[سلمان]

يبقى يوم النحر ... والي بعده التشريق اللي هي رمي الجمرات طبعا طلعنا يوم العيد رمينا جمرة العقبه الكبرى ... الحاج ما يحس بالعيد ابد ولا له دخل فيه رميناها ورجعنا للمخيم بـ منى ريحنا يومها راحه ما يعلم فيها الا ربنا ثاني يوم اللي هو يوم 11 ... كان علينا بس الرمي ... رمينا الجمرات الثلاث ورجعنا ... اليوم الثالث هو الزحمه لان لازم ترمي واللي بيتعجلون يطلعون مكه وطواف الوداع وكذا


طبعا بذكر لكم بعد ما اخلص شوية حكي عن الجمرات لان الجمرات بالذات كلها مشاكل ... كثير ناس يروحون متحمسين انهم بيقابلون الشيطان وشف انواع الدلاخه والعقول يا الله لك الحمد اخر يوم اللي هو يوم 12 ... طلعنا قبل الظهر عشان نوصل هناك مع الظهر اللي هو وقت الزوال ونرمي !! القلق انه وصلنا قبل الظهر وهناك العساكر ما يخلونك واقف لو تحلم .. على طول يمشون الناس عشان لا يتعطل السير ويصير زحمات وكذا حاولنا نماطل يمين يسار ما فيه ... توكلنا على الله ورمينا وكان باقي عشر دقايق على الظهر طلعت وانا شاك انه صح او لا !! دقيت على شيخ مفتي تبع الحمله .. قالي لو انك قادر وتقدر ترجع متوفر لك الرجعه الافضل انك ترجع ترمي رجعت مرة ثانيه ورميت الجمرات قلت الله يعيني على المشوار ولا الواحد يخرب حجته على اخرها


رجعنا للمخيم اخذنا اغراضنا وعلى مكه دايركت طفنا الوداع وطبعا تحت بالصحن زحمة العساكر وقت وصولنا كانو مقفلين الطواف تحت تطلع فوق اجباري ... رحنا نطوف بالسطح طبعا الشوط عن 3 اشواط من تحت حتى السطح والله زحمه كان فيه اعداد كبيرة ما شاء الله من فوق كنت اطل على الكعبه تحت ... كل الصحن يطوف تحس ان الناس واقفه على ارض تدور فيهم ما شاء الله الاعداد كانت كبيرة جدا وقت طواف الوداع لكن نقول اجر ان شاء الله وربي يقبل


بـ النسبة للجمرات ... بعطيكم كم موقف على السريع اللي قابلتها لقينا كم واحد صعيدي .. مو مصري وبس لا صعيدي كمان يعين اصلي اصلي .. المهم كانو اربعه وقدامهم واحد شكله يز المدير تبعهم او العمده اللي هو تخيلو الدلاخه الى وين !! رايحين مشوار للجمرات يعني ما وكلو الرجال يرمي عنهم يوم وصلو للجمرة وقف العمده على الحوض وهم وراه طابور بعد ما رمى المدير حقهم الحصى صار كل واحد منهم يعطي حجاره يرميها لهم خخخخخخخخخ ويقولون له ... " نشن يا عم حماده خخخخخخخخخخخخخخخخ " نشن يعني صوب يلعن بليسكم واصلين ومعطينهم يرمي ويصوب لكم على ابليس مالت على عقولكم الله يخلف بس


ولقينا ناس تخيلو قوارير مويه معبينها حجار ... ويرمون بالقارورة كامله خييييير كذا تعور الشيطان واللي يرمي حجر كبير واللي يرمي زنوبته الله يكرمكم لقينا واحد من حقين طاجكستان مدري اوزبكاستان هالطقه معه حجر كبير ويسالنا وين شيطان مشرفنا اخذ الحصى منه وصار ينصحه طلع واحد كبير ثاني ومشى وسحب علينا يدور على ابليس توقعت القى ناس متلطمين وهم يرمون عشان لو مستقبلا احتاجو بليس يلقوه هذا غير بعض المصريين اللي يوقف بنص الطريق ويعبر لزوجته عن مشاعره يقلع بليسك وقتك


حتى انه عشان زحمة الجمرات وكذا هناك تصير سرقات كثير ... لقينا واحد لابس احرام وكذا منحاش ووراه اثنين عساكر واثنين بلبس مدني لين مسكوه وسدحوه على الارض وخذ لك يا جلد شوي قطعو احرامه وشالوه طلع لابس بنطلون وملابس عادي تحته يعني ومسرق خلق الله ما يستحي ... بس جد نظام الادوار الجديد حق الجمرات ما شاء الله الله يجزاهم خير لو الكل اتفقو يروحون يرمو سواء ما يصير زحمه كثير مسوين الادوار وكل جهة مخيمات يصير لها مدخل اجباري لدور معين ... يعني ناس تدخل من الارضي ناس من الثالث وكذا .. والله خففو كثير الله يكتب لهم الاجر


ما ودي اطول عليكم فيه كم موقف بذكرها لاحقا اللي عنده اي موقف او اي سؤال او محتاج اي فزعه ومساعده بالحج انا حاضر شاركونا


قبل الختام ... اكتشف بـ الحج 3 شغلات :









اثبتت كفاءتها وبجداره






فازلين في قلوبــــ ــنا






لو مصر دوله مو اسلاميه كان مكه فاااااااااااااااااضيه ما شاء الله يا كثرهم



حاولت اختصر قدر المستطاع عشان ما اطول عليكم خصوصا ان ما فيه صور لكن حبيت اشاركم مشواري على السريع ... واي احد ناوي يحج بفيده ان شاء الله ... وسبحان الله كنت متخوف من الانفلونزا وكذا لكن الامور هناك ابسط من ما تصورنا حتى رحت من هنا ماني عارف شي لكن هناك مع الناس كلها تمشي وتفهم كل المناسك لحالك لكن المتعب بالموضوع كله بصراحه انك تمشي مشي مو طبيعي لو انت رياضي وناوس تسوي رياضه وكذا ما تمشيه وفوق هذا مرات تكون بالباص من زحمة السيارات تفضل انك تنزل تكمل طريقك مشي وتسبق الباص افضل من انك تضل قاعد ومخنوق فيه خصصا الطوال مثلي وين يودون سيقانهم وعلى فكره فيه يوزر ما ذكر اسمه كان مقيمني قبل اروح وقالي ما اعرف مكه ولا عمري وصلتها ... ادعيلي ربي يهديني ويرزقني عمره وحجه .. وتراني دعيت له والله لو كان يقرا كلامي ربي يرزقك شوفة الكعبه وكل اللي طلبو مني دعيتلهم والله والبقيه اللي يعزون علي من بعيد لبعيد يعني دعيت لهم مع المسلمين بس ركبتهم قدام



نشوفكم على خير