|
صوووووووت الرحيل ..
على صوت الرحيل اللي يصحي بالكيان الخوف
تعذر كل دمعا ينحني لي داخل عيونك
تعذر والزمان ونعرف إنه بالزمان صروف
يحددها على كيفك لجل خاطرك ويصونك
على هونك وطبعا لا تعذر تحت ظل ظروف
يا مـ أكثر ما ظلمت الوقت وظروفه ..على هونك
تعذر بالزمان وتحسبني بأنثني ملهوف
تحسب اليوم مجنونك مثل ما كان مجنونك
كأنك مانت بمصدق ؟ هذا قلبي تعال وشوف
ما باقي من غلاك اللي يفرّح تالي طعونك
عذابي لو بعبر ما يكفيني ورق وحروف
وقبل ماوادعك قلي على طرياك وشلونك ؟
تبيها صدق ؟!..هذا شطر من شعر القديره نوف
" فمان الله هي غربه معاك وغربه بدونك "
|