اشاره ...
هذا الهذيان كتب اليوم ..
سأكتبه كما هو دون مراجعه أو تنقيح
ولا أعلم لماذا .. ولا تسألونى لماذا ...
هو هكذا تلبية لرغبة جنون احسسته ...
ولأنها مواسم الحب فلا بأس ان يكون المطر صيفا ..
..................................................
س : من انت , ووش اسمك ...؟؟
ج : بندر ...
س : كم عمرك ..؟؟
ج : نص شايب ...
س : وش جابك عند باب بيتنا ..؟؟
ج : نفس اللي جابك من الجهة الثانيه للباب ...
.................................................
على الباب ...
كل وقفتنا ثواني ...
وكان حظي اليوم زين
تصير وقفتنا دقايق ...
برق ومطر ..
وسيول من شوق وحذر ..
وضحكه تنسيني العذاااااب ....
.........
الله مااجمل ضحكتك ...!!
مااحلى دلعك ورقتك ...!!
الله مااكبر فرحتي ..
بخوفي عليك وضمتك ..!!
حبٍ اكيد ..
وشعور في قربك جديد ..
احيان يتركني هنا ..!!
واحيان ياخذني بعيد ..
هناك لحدود السحاااااب ....
..........
حبٍ يخلي الحلم فعيوني حقيقه ..
وشوقٍ يخلي العمر لعيونك دقيقه ..
اعيشها وبعدين اموت ..
آخذ يدك واضمها ..
واطير مع شوقي الكبير ..
واضيع في حلمي الصغير ..
من قبل هالفرصه تفوت ..!!
..........
واصحى على صوت الرعد ..
كنه عذول ..
ومااعجبه
انا التقينا بلا وعد ..!!
خفتي .. ورحتي .. وانهمر
دمع السما لفراقنا ...
رحتي وانا ... لوحدى هنا
واقف واموت من القهر ..
اسأل ذهولي وحيرتي ..
الى متى واحنا كذا
بيني وبينك الف بااااااااااااااب ..!!!
خاتمه :
بعض الهوى ( الحرف ) لا يقبل التأجيلا .....