|
رد : .. تذكّر أي شي عنّي ..!
إقتباس:
|
الرسالة الأصلية كتبت بواسطة صالح العبدالكريم
للمضايقه الصوتيه << اضغط هناا
تتمرّد الذكريات على العقل ..
فتكون قد أطلقت الوعود بعدم العوده إلى الماضي / الحنين ..وملامسات السهر
وتوديع نجمه و إحتضان أخرى ..!
كل من يحاول تمزيق اوراق من تقويم الحب في ساعات الليل المتأخره ..
لا بد أن يدرك بأنه ماضي ٍ في عراك مع صور من مرّ على قلبه .. وسكن عينيه
" ومات بعد ذلك " ..!
في الوقت نفسه تجد ان للهوس العاطفي شيء في النفس .. فتعود مرّه اُخرى
لذات التمرّد..ذات الحنين .. وذات الساعات .. وذات البلاده في الخط ..!
حبيبي
بذمـّتك وينـك ..؟
نشف دمّي
وأنا اناديك ..
حبيبي منت مثل أول
تغيّر كل شي ٍ فيك ..
وانا اللّي كنت أقول الليل
يا ربي بغيبتك .. بارد
آثر حتى النهار.. بارد
وّجه السالفه .. بارد
وّقتي كل ما أزوره
لقيته منتهي و ..بارد
..ولا باقي لي .. إلا أمرين :
./ يا أقطع غصن من صدرك !
./ يا تحيي دنيتي و أحييك !
حبيبي منت مثل أول
تغيّر كل شي ٍ فيك ..!
ترى اللّي بيني و بينك
مهي عشرة كلام وبس
غيرك ما ملا عيني
وغيري ما خلق بك حس ..
بربك أرفق بحالي :
نسيت حكايتي و شمعي
وكيف إن السهر دمعي
وكيف أهديت لك كلّي
عيوني .. حكيي .. سمعي ..!
حبيبي منت مثل أول
تغيّر كل شي ٍ فيك ..!
تذكّر أي شي عنـّي
تذكّر يوم كنت تقول :
أحبّك .. كل ما تضحك .. أحبك زود
واحبّك لا قعدت تقلّد الأطفال .. بسواليفك
أحس ان ودّي أضمّك ..
وأعاندك :
وأقولك : صح أنا ماما مؤدب صح
بس مدري طلعت .. لميـن ..!
تقولي : إيه .. طلعت لأمك ..!!
تذكّر أي شي عنـّي
تذكّر يوم كنت تقول :
كل ما جيت ابيّن لك غلاك ..
يخونني التعبير
يا ليت أحبّك تكفـّي
يا ليت أوصل بك لشفـّي
وربي إني أشوفك غير
يا ليت ما تنـّطق بعدك
صباحك يا حبيبي خير ..
تذكّر أي شي عنـّي
تذكّر يوم كنت تقول :
حرام .. شذنبك أتضايق
وتتضايق .. من أسبابي !
أنا كلّي خجل منـّك ..
وأقولك :
ما تعرف إني : بقايا طيب أعرابي
أنا مالي غنى عنـّك
أنا لو يلحقك .. مكروه
أبيع بوقفتي ثيابي ..
حبيبي منت مثل أول
تغيّر كل شي ٍ فيك ..
نسيت إن السهر : أحلام
إلى شفتك كذا .. منضام
أجيك من .. آخر ضلوعي
أجيك من أطرف الأيام .!
وأمسح دمعك و كحلك
وأحط إيدي وساده لك
وأقولك :
بس حبيبي نــام
عشاني بس حبيبي نام ..!
حبيبي راحت الدنيا .. ورحت
وجت .. وانا ما جيت !
تلمّستك هناك وهمت
تحسستك .. أحسبك نمـت ..
وقمت أمسح على شعرك
آثرني واهم بطيفك
وآثر قلبك : حسافه ميت ..!
حبيبي منت مثل أول
تغيّر كل شي ٍ فيك ..!!
|
أيها الــ صالح فينا ...
وقفتُ هنا .. بذاكرة مثقوبة وقدم واحدة ...
زمنا كقافية الراء .. بلثغة فتاة غربية المنشأ عذرية المعتقد ...
تذكرت حينها .. بكاء ذات مساء سافر بلا عودة ...!
هكذا .. هكذا ..
( 1 )
ورا بيتي سكن عصفورْ
يحب النور
يخاف الظلمة اللي صوتها مغرورْ
أجيه بآخر الشارعْ
أجيه الشاعر البارع
يغنيني ..!!
يناديني
وأنا مبهورْ
ياربي كيف ها العصفورْ
قدرْ يقطف غصون النورْ
وأنا الشاعر ..
عجزت ألمّ من ضعفي
شظايا قلبي المكسورْ ..!!
( 2 )
مثل رش المطر هادي ..
على الوادي
مثل مانتَ بقايا حروفْ
وأنا في حزني الأول مثل ماتشوفْ
أنادي راحة الخاطر
وأنا شاعرْ
وأحنِّط شهقتي ملهوفْ ..!
( 3 )
أبي أكتبْ
عشان ألقاك من أوَّلْ
وأبي أشطب عشانْ أقراك وأطوِّلْ
سهرت الليل بذنوبي
نسيت العطرفي ثوبي
وطرت بحرفك الأوَّل ..!
مساء الحرف كله فالغرام يهون
دموع الصوت .. أو حتى دموع الكون ..!
أنا عاشقْ
قبل هذي الحروف وذي
ومن عشقي بديت أهذي ..!
جمعت لحسرتي فالليل نجم الصبحْ
وعشت بعطرها فالصبح ضحكة جرحْ
أبي أكتبْ
وأبي أشطبْ
وأبي أرجع من الأولْ
أقول أحبْ ....!!!!!!
( 4 )
شجن ما يكفْ
وعين ترف
وحزن يصادر إحساسي
أنا ما أعيش بأنفاسي ..!
وإذا مرة سألتيني ..
عن أحزاني .. وعن ياسي
بقول انتي
وعن حلمي ونوماسي
بقول انتي
وإذا مرة ..تذكَّرتي وأنا ناسي
بقول الذكريات انتي ..!
شجن ما يكفْ
وعين ترف
مرار الوقت في كأسي ...!
( 5 )
نمر فيومنا الثالث ..
ولا أشوفك ..
أفكِّر بس بظروفك
وأناظر شوق بحروفك ..!!
أحس برعشتك .. خوفك
من اللي صار ..
أكيد البارح احتجتي لأحد مثلي ..
ومن بعدي .. محد بعدي ولا قبلي ..!
أنا اللي أعرف إحساسكْ ..
وأعيش الخوف بأنفاسك ..!
وأنا اللي فيومنا الثالث
تحريتكْ
ولا جيتي ..
وصرت أخاف من بيتي ..!!
ياصالح ... عليك أن تحافظ عليك كثيرا .. من أجل الشعر
|