لا تاهت أفكار البشر والأنامـي
وجّهت وجهي قبلة الشيخ سلمان
هو نوري الي لو تجهّم ظلامـي
عرفت بأن الفجر لا بد و يبـان
يا كثر ما مرّت علينا أسامـي
لكن أسم سلمان باقي إلى الآن
لنّه تجوّد بالرسن والخطامـي
وآمن بأن العقل زينة وميزان
وبسنّة محمّد مشى بالتمامي
ما مال عن دربه ولو الدهر شان
ولنّه الا جتك الخطوب الجسامي
وقّف لها ما قال وينك يا مزبان
اليا حكى ..كنه (بلوغ المرامي)
واليا سكت كنّه (تفاسير قرآن)
السجن له وحشه وقل اهتمامـي
لكن سجن سلمان روضه وبستان
ما بين جلسات الذكر والصيامي
وشوق للقى ربه من آذان لآذان
سبحان ..من خلاّه فوق متسامي
عن شلّة الحسّاد والحقد ..سبحان
ما سبّه الا كود ..تافه و (جامي)
وما حبّه الا الي حوى قلبه إيمان
لاني بأدافع عنه ولاني بأحامي
قدره يعرفونه هل العلم والشان
لا جابو اهل العلم مثله إمامي
ولا جابت الصحوه لنا مثله انسان