[نواف الشمري]

من حسنات لغز صالح انه جاب لي هالموضوع ..

المعذره يالجازي ..استغرب وين انا كنت عن هالموضوع ؟؟
بصراحه موضوع راااااائع جدا .. ومتعوب عليه ..


وانا بصراحه عندي سوالف ٍ عن العين حدث ولا حرج ...


مرة ٍ من المراريت رايح للدمام على موتري طبعا ..وكان معي اربعه من الزقرت ويوم انتصفنا من الخط .. يعني لاحنا اللي نقدر نعوّد ولا حنا اللي قريبين من وجهتنا ..

الوكاد كان واحد من اللي معي راكب ورا .. قرب راسه قدام شوي ... قال نواف قصر على المكيف شوي .. قلت له هذا اخف شي ..

قال : اعنبووووووووووووووه .. تقول في ثلاجه ...

هههههه هههههههه هههههههه ههههههه <<-- ضحكاتنا ..ايه ماندري ..

ماراح عشر دقايق الا عداد الحراره على H آخر حد .. الوكاد تلعوزنا لعوزتن عند الله خبره ....

اللاديتر مشقوق .. والدخنه تعثور من الكبوت .. والدنيا ليل .. وانا غلبااااان ...

:white:



سالفه ثانيه .. وهذي غريبه شوي بس صايره قدام عيني ..

كان فيه بحارتنا حلاق تركي الجنسيه .. والحق ينقال مزيون بالحيل وولد توه صغير يمكن عمره 20 سنه ...
كنا جالسين ننتظر يخلص من حلاقة واحد .. وكان جالس بجنبي شايب من شيبان الحاره ومعاه ولده الصغير ... المهم ..سولفت معاه شوي وسالفه هنا وسالفه هناك مادري وش جاب طاري الحلاق ..بس اذكر ان الشايب قال : اهييييب ياوجهه يارجال .. اعنبوهم ماتعرف رجـّالهم من مرتهم :white:

مالكم علي يمين .. ماعدا اسبوع الا منفجره قنينة الغاز حقة البوفيه ( جنب الحلاق) واحترق المطعم والحلاق ... شصار بالمزيون ؟ ... سلم لكن وجهه صار كله حروق .. ومافيه شعر في راسه الا من جهة اليمين بس ..


لاحول ولاقوة الا بالله


السوالف واجد

بس الذاكره ماش