[فيصل الخالد]

العله الي ما احبه ولا اطيق ذكره محمد الشهري

انت تقول :


ياعمري على اللقاء واللي مسوين معه لقااااااااااااء

أقول يابو الشباب


اخوك نواف دفع نص حسابه وانت للحين ما دفعت لي ولا ريال على القصايد اللي اكتبها لكم .. وش السالفه؟؟ بتماطلني اكثر من كذا؟؟ يا أخي انا إنسان ما أحب اخلط بين شغلي وبين علاقاتي الشخصية Business is Business .. رجاءً خلك مثل اخوك وادفع مع ان اخوك بالمووووووووت دفع لي نص حسابي .. ولاّ إنسى العشر قصايد اللي سمعتك اياها آخر مره واتفقنا على إنك تشتريها بخمسين ألف كل قصيده 5000 ريال بس....


&&&


اولا يا استاذ متنح خمسين الاف تنكتب كذا 50000 مو كذا 5000

صحيح ان الفرق صفر واحد بس هالصفر يعني 45000 الف لكن ماش وجه فقر مانت متعود على اي شي اكبر من 15 ريال

من المؤكد يابو عمر انك تكتب وتبيع بس لمين هذه الي انا ودي اتكلم عنها

وش رايك تحب اتكلم عنها ؟

ودي يرجع نواف بسرعه ويقرا لانه فهد القصبي متهمه نفس الاتهام وانا متهميني ان نواف يكتب لي وانت قلت يالله موضه اتهامات خلني ارز خشتي معهم !

طيب نرجع لاسئلتك

&&&

فيصل .. علاقتك في الشاعر نواف الدبيخي قويه جداً منذ أكثر من عشر سنوات وكانت هناك فرصه متاحه لك للنشر في "فواصل" عندما كانت الساحه تقتصر على ثلاث مجلات .المختلف. فواصل. قطوف --> قطوف فهد عافت طبعاً .. أي كنت ستسبق أخيك نواف الدبل في الظهور الإعلامي .. لماذا إمتنعت عن النشر في "فواصل" مع انك وجدت موافقة مبدئية من هادي الجنفاوي مدير التحرير آنذاك وعلى مساحات مرضية من المجله؟؟؟ ومع ان نواف الدبيخي حاول إقناعك كثيراً ولكن لم تجدي محاولاته.
&&&

ابو عمر تسوي نفسك راعي خبطات صحفيه ؟
تحسب انه من السهل تقلد الصحفي الشهيروسبب فشل الصحافه السعوديه فهد الوايلي ؟

قم بس قم

وعلى قوله المصريين اااام بس امممم

كل الي كتبته هذا غير صحيح ما عدى علاقتي بنواف الدبيخي فهي صحيحه وافتخر فيها لكن عدا ذلك كلام فاضي ليس له اي نوع من الصحه ولا اعلم من وين يابو الشباب جايبه ومن الي قاص عليك فيه


&&&

(القهر لا شفت اخوك يمدّ كفه للغريب ** وانت واقف تحتضر لا حس فيك ولا درا)

بيت تردده دائماً وتضعه (نك) خاص فيك على المسنجر؟؟

مالسبب؟؟ وبدون تهرّب رجاءً إجابه صريحه وبدون دبلوماسية..

&&&

يعني يابو عمر صار لك سنه تسألني كل ما تواجهنا عن مناسبة هذا البيت وما اجاوبك واقولك مناسبه خاص وسالفه ما ابي اذكرها فتتوقع يا عم عبقري اني ما جاوبتك بيني وبينك باجاوبك في المنتدى وعلى مرى الجميع

طيب وش رايك لو حاولت مره تستخدم نعمة العقل الي الله وهبك اياها كتغير يعني وش رايك ؟
رغم اني عارف اني جالس اطلب منك المستحيل بس ما عليه حاول




&&&
قصيدة (ولد الفقر) احدثت خلاف بين رئيس تحرير مجلة حياة الناس ومدير التحرير وقيل بأنها كادت أن تُمزق بسبب الرقابه؟؟ لماذا؟؟ وما هي مبررات رئيس التحرير؟؟ ووجهة نظر الرقابه؟؟

&&&


هههههههههههههههههههههههههههههههههههههههههه

يا نمس تبيني اجاوب عشان ينبسط خالد التميمي ؟

والله يابو عمر السالفه الي وصلتني ووصلتك على ما اعتقد في نفس الوقت ان القصيده اتهمت بانها دعوه للفسق والفجور وانني علماني وانها استهزاء بالشعر والشعراء وما بقى شي ما قالوه

زين بس ما اهدروا دمي
رغم انني اعتقد ان الي نقل لنا السالفه نقلها مضخمه قليلا وانا اتوقع انه بعد شوي بيجي يسبني على الماسينجر ويقول لي وش تقصد بس حتى واذا كانت هذه هي تفاصيل القصه
فالقصيده موجوده هنا في شعبيات ولا اعتقد انها دعوه لاي شي سواء انها دعابه شعريه وجسدت مشكله اجتماعيه حقيقه ولكن في ناس تستقبل الامور كما هي تحب وتفسرها كما هي تحب وهذا شي راجع لها وليس لي

وهلا بك يابو عمر واستعد بعد شوي بامرك عشان اعطيك فلوسك


اخوك
فيصل