[محمد بن حزام]

السلام عليكم ورحمة الله وبركاته

أخواني .. أخواتي

أسعد الله جميع أوقاتكم

================

أهدي إليكم هذا النص من قديمي المتواضع





عسا تعبك اللي سكن في حناياك
=-=-=-=-=-=-=-=-=-= يسكــــــن ضلــــوع اللي بقلبه يناجيك
=
روحي وقلبي كلها من فداياك
=-=-=-=-=-=-=-=-=-= واحساسي اللــي دمعتــــه دوم تبكيك
=
فيك المرض مستوطن أقصى زواياك
=-=-=-=-=-=-=-=-=-= وانــا ابعذابي كـــــل ليلــــه أراعيك
=
ياللي السجايا تستحي من سجاياك
=-=-=-=-=-=-=-=-=-= ياللي علـــى كـــــل العذارا أفاديك
=
ياللي غمرتيني بصادق سواياك
=-=-=-=-=-=-=-=-=-=كـــــل السوايا يالغلا مـــــا تساويك
=
لو تفقديني دوري في خلاياك
=-=-=-=-=-=-=-=-=-= تلقيني ابدمـــــــــك ودمـــي يغذيك
=
غيبتك صعبه والصعب من مزاياك
=-=-=-=-=-=-=-=-=-= وانشهد إنــــي حـــايرٍ مـــن تجافيك
=
ما غير أسامر بالليالي هداياك
=-=-=-=-=-=-=-=-=-= وانثر قصيدٍ كـــــل نــزفه يحــــاكيك
=
واستذكر اللي هزّني من وصاياك
=-=-=-=-=-=-=-=-=-= يـــومٍ تقولي يــــا حبيبـــي بوصّيك
=
لا لا تنقّص مع غرامي عطاياك
=-=-=-=-=-=-=-=-=-= وانــــا اللتي من حالي الحب بعطيك
=
حبيبتي شوفي توالي مراياك
=-=-=-=-=-=-=-=-=-= تلقينهــا تحكــــي حقيقة مــحاكيك
=
حبك ملكني .. أقبلت لي سراياك
=-=-=-=-=-=-=-=-=-= أستوطنت بين الضلـــوع المصاكيك
=
أحسّها في وسط قلبي قراياك
=-=-=-=-=-=-=-=-=-= أحسها فـــي وسط روحي مفاليك
=
أنا ديارك والمشاعر رعاياك
=-=-=-=-=-=-=-=-=-= أنـــــا نجـــــومٍ بالليالــــي تسرّيك
=
أعشق مزوحك .. آتحرى حزاياك
=-=-=-=-=-=-=-=-=-= أستجمع اللي مـــن طباعي يسليك
=
أحبها البسمه وزمّة شفاياك
=-=-=-=-=-=-=-=-=-= أشواقك اللي مـــن هدوئك تعريك
=
لحظات سلهمتك .. براءة نواياك
=-=-=-=-=-=-=-=-=-= زود اهتمامك .. قـول فيني ولا فيك
=
مدحك وقول اللللللله محلا غناياك
=-=-=-=-=-=-=-=-=-= محـــــلا قصيدك .. عيــده الله يخليك
=
إيمائتك .. تمويهتك مع تحاياك
=-=-=-=-=-=-=-=-=-= إجفالتك لا مــــــن عزمهــــا تغليك
=
جنونك اللي تستحثه شظاياك
=-=-=-=-=-=-=-=-=-= معقود حجانك .. سهامــك .. تجنيك
=
أنا وليلي والسواهر ظماياك
=-=-=-=-=-=-=-=-=-= كلي عنا .. يمكن فنا .. لكن أبغيك
=
أنا دخيلك بارتوي من حلاياك
=-=-=-=-=-=-=-=-=-= بينــي وبينك مــا تحمّـــــل تنحيك
=
بيحي كنينك .. اطلقيها خفاياك
=-=-=-=-=-=-=-=-=-= هذي كفــوفي إحظنيها بـ اياديك
=
يمكن مرضك اللي مزوّد بلاياك
=-=-=-=-=-=-=-=-=-= يرحم تعبك ويسكن ابروح مغليك
=
حبيبتي عسا اللذي في حناياك
=-=-=-=-=-=-=-=-=-= يتوسّد اللــــي حالفٍ مـــــا يخليك
.
.
.

وسلامتكم

.
.
محمد بن حزام