التنسيق سوّى مشاكل في الرد السابق ولا لقيت ايقونة لـ التعديل عشان اعدّل 
يا ليت من عنده الصلاحية يتكرّم ويحذف الرد السابق 
يا سيّـدة نابـض ضلوعـي .. وصوفـك
منها العيـون تفيـق ساعـة .. وتثمـل!
وفرحـك وضيقاتـك وأمنـك وخـوفـك
لا يمكـن احملهـا علـى سـوء محمـل
إنتـي حكايـة حسـن .. حتـى طيوفـك
مكمّلـه ، ماهـي شـويّـه وتكـمـل !!
بيتـك انـا ، وانـا وقلـبـي ضيـوفـك
والبيـت وضيوفـه بدونـك مـا تِحْمِـل!
من كثر ما نرضـى .. رضينـا حتوفـك
ومن كثر ما نزعل .. عجزنا لا نصمـل!!
عرفانـي اصغـر مـن صغيـر مْعَرُوفـك
لـو أشملـه بالظـنّ ، يقينـاً اشـمـل!
وان كثرت حروفي .. غدت مـع حروفـك
حبة رمل .. في عشـرة امتـار مُخْمَـل!!
عاشقك أنـا .. وإن ساعدتنـي ظروفـك
مُلهَم .. واذا ظروفك عصت صرت مُهمَل!!
هـذا اللـي ادري عنـه لحظـة أشوفـك
ويا كثر ما أجهل فيك ، والخافـي أجمـل!