[خالد الشايع]

عوده خجوله..

قبل ايام دار حوار بيني وبين خالد العنقري
فسألته عن اقرب قصائده الى قلبه

فتجرد من الجواب التقليدي ((قصايدي مثل بناتي ومابينها فرق))

اترككم مع اقرب قصائد خالد الى نفسه..

[poet font="Arial,4,burlywood,bold,normal" bkcolor="transparent" bkimage="http://altememy.jeeran.com/0,9281,12872,00.jpg" border="none,4,gray" type=2 line=200% align=center use=ex length=0 char="" num="0,black" filter=""]
ماعشق قلبي من الخفرات غيرك ياحلالي=قاطعٍ كبدي غلاك وكل قطعه في نحيه

وا عذاب القلب من فرقاك ياسمح القبالي=ارحم القلب المولع و ارحم العين الشقيه

كيف ابسلى عن هواك اللي برى جسمي وحالي=لو بغيت انساك يالمجمول مالي مقدريه

من سببك اطوح الونات في روس العوالي=يوم اجر الصوت مااسمع غير صوت الراعبيه

والله اني قبل اعرفك مستريح وكنت سالي=بس عرفك جدد جروحٍ على قلبي طريه

كاملٍ بالوصف يالمجمول لله الكمالي=جل شان اللي وهبك الزين خلاق البريه

يوم اعاين بالحجاج اللي كما قوس الهلالي=والعيون الخرس تدفعني على حوض المنيه

والجسم ياناس قيمه لا دقاق و لا جلالي=يوم اعاين في حشاها والعيون النرجسيه

كن عوده عود موزٍ يشرب الجم الزلالي=مايطوله حر قيض و منبته في و سط فيه

مازهاها الا التدلع و التغنج والدلالي=و النعومه والنقاوه والسواليف العذيه

والله اني من سببها مرخصٍ حالي و مالي= كاميٍ جرحي كما اللي شايلٍ في الخرج حيه

مير ظني بيتجدد حب الايام الخوالي=حب قيس بن الملوح هو وليلى العامريه

[/poet]