وايضاً بدع اخر من الشاعر الرائع/محمد الدحيمي
السوبيا سوبيا ماهي تمر هندي 
ومقدور ماظن يقدر يسحب اكمامك
لاتحسب اللي يشوفك قال بولندي
نعرفك من طختك وسبال هندامك 
يوم انت فيها مسوي عم طاشكندي
وانت احرش الريع مغباشك ومجهامك
تخلط مقام الحجازي بالنهاوندي
وان كانها عالحجامه صرت حجامك
واذا رواندا غدت في حكم راوندي
في حضن مكه يبي لك تثبت اسلامك
مير ادعي اللي كفوفه بالندا تندي
لاينهبون الحجيج بمكّة احرامك
.
.
والرد عليه من سعيد بن مقبل الأكلبي
خابرك دايم تحب اللون ميرندي
من كثر حبه بلشت بصفّة اقلامك
يوم انت تدهن شعرك بسمن فنلندي
من ريح سمن الفلندي تصْرع اخصامك
ماكنّك الا من اتباع اندراغندي
شف فرقة الراس بانت تحت مرْزامك
يايوسفي مابعد شبعت يوسفندي
الزرْط فاليوسفندي زوّد عرامك
انا خويّك وطبعي كووول وفرندي
عطني سجل الشريحه واحْفظ ارقامك
مانيب ابي فزْعتك في غزو نورمندي
خابرْك صايم عسى الله يقْبل صيامك