السلام عليكم ورحمة الله وبركاته
احبتنا اسعد الله اوقاتكم بكل خير
قصيدة الشهر 11 / لشهر اغسطس / 2012م
المنافسه حصرت بين الشعراء الرائعين :
عبادي الزهراني / محمدالسالم / سليمان الشدوي/
فهد الغبين / احمد بن سارح/ عبدالله الشلاقي/
احمد الويمني / سالم بن لجعان / محمود ال مخلص /
حسن الشيخي
..
بأغلبية اصوات لجنة التصويت على قصائد الشهر
وهم :
محمد الدحيمي /سعيد بن مقبل الأكلبي / سالم بن جلعان / علي التركي / نوره العجمي / الجازي / تركي
استحق نص ( رفعة ) للرائع :
محمد السالم المركز الثاني
ونص/ يم اللارجوع اقفت مراكب حلمي المفقود
للرائع سالم بن لجعان المركز الثالث
..
واستحقت هذه القصيدة بتصويت الأغلبية
ان تكون :
للموت وقفة ذهول وللوداع احترام=للحق لحظة وصول وللرضى مفخره
للسيف غمدٍ يظمّه بعد طول المقام=وللأسم ذكرٍ سنين العمر ماتنكره
وللعمر حدٍ رهيف وللزمام استلام=وللفعل صوتٍ يدوّي والدهر يذكره
يانايف ابن العظيم اللي فتحها سلام=ماللقصايد ولو زاد الوجع معذره
قبلٍ يواريك ابونا..مد صدري وسام=واصنع من اسمي بطوله للملا وانشره
أختارك الله بعد سلطان في ظرف عام=عزّي لــ ابو متعب وعزّي بعد لظهْـره
وعزّي لشعبٍ عيونه قبل موتك صيام=عن دمعها اللي بموتك للأسى تنثره
ماخنت عرقٍ ورثته عن إمام وإمام=لا والله الا منحته من وفاك ثـْمَره
واليوم وجه الحقيقه في عيون الختام=من مسك سيرة نضالك سيّدي عطّره
الامن يسأل بلادك..وين راح الحسام؟!=واحساس صوت الملايك جاوبه..مغفره
واهل اللحا عبّروا لك في شموخ الكلام=من حسرة الفقد..جرح الدين يامكبره
في كل بيتٍ حفظته لك وداعٍ يقام=حتى خلط دمع عين الرجل دمع المره
يامخرجٍ جيل شعبك من كهوف الظلام=اللي بنتها يدين الحقد والشوشره
للنور في هدي ابو القاسم ونهج والكرام=ولاّ لعدل الشريعه في طرف مقبره
ماعاش موطن جدودك في عهَدك انقسام=وشلون وانت بجفون حمايتك تسهره
يارب كيف الوسيله دام مابه دوام=الاّ لوجهك وحكمك مانرد اخبره
مانملك الا الصمود وللعهود التزام=وسيفٍ صقلْه بيمينه للعدو نشهره
الصبر سنة رجالٍ قبلنا ماتظام=ومن وكل امره لربه لوعظم صبّره
من مخبر الشامت اللي زاح عنه اللثام=إن العرين يتزايد قسوره قسوره
لا راح سيّد..مكانه سيّدٍ كفو..قام=وانا مع الشيخ والله ميمنه..ميسره
غمّض عيونك وودّع هالحياه بسلام=والله يعوّض مصاب الامه ويجبره
ياسيّدي قبل تنزل عن فرسك وتنام=أمدد كفاحك نقبل كفّه ونشكره
للسيف غمد
للرائع : احمد بن سارح