يا صاحبي وإن لقيت أسباب !
.................. لبعادنا .. قوم و إبدا بي
بأحسب لفرقاك ألف حساب
.................. بس المهم أرضي احبابي
.. عبدالله البكر ..
من صد جازيته بصده وصديت 00
..............ومن يتبع المقفي يقل احترامه
انا ترى لاقفيت00 ياهيه اقفيت 00
..............ماعاد ارجع لو تقوم القيامه
المهرة
ودي أجاوب ! بس .. وين المعاني
........... اللي توضح تجربات ٍ .... / مريرة !
لا ! مالتفت لي .. صد عني زماني
.......... أعمى فرح / لكن اشباحة بصيرة !
بركات
ليه مستغرب .. عشاني .. جيت حـافي
.......... انطبخ راسي .. قبـل : تـُطبخ رجـولي
أي ضربة شمس .. يا عمـي .. عوافي
.......... زين قادر .. أصلـب من الهـم .. طولي
كافي ! : ظنّك .. يقلقـك ترديد كافي
.......... او اجي.. مقطوع .. حتى من حمـولي
اصحى تطري إثنين..وصلك والتجافي
......... انت تعرف .. حالتي .. من دون ذولي ..!
المجنون صالح العبدالكريم ..
بي ضيقة ٍ لو وزعوها بضاعه
.............ماتنفذ إلا وأسعد اِلخلق يْبكون
وبي دمعة ٍ تجري ولا أقوى صراعه
..............ويني وِّين مجاهد الدمع بالنون
( هيفاء التميميّه )
تعال اسكـن مساحـات الخفـوق .. وودع الترحـال
......... تعال اشعل كـلام الحـب .. واخمـد ثـورة سكاتـي
تعال وقبل ( كيف الحال ) .. ناظر .. هو بقى بي حال
.........تعال وقبـل ( سمعنـي جديـدك ) .. أسمـع آهاتـي
تعـال وشيـل مـن بالـي اهجـوس ٍ كنهـن جبـال
......... تعبـت اخضـع لهـذا الانهـزام .. ونكـس راياتـي
تعال وشوف ( نهّـام الحنايـا ) واسمـع ( اليامـال )
......... حزيـن ٍ مثـل ... دمعـات اليتامـي .. لانكساراتـي
لك الله .. مابقى جـرح ٍ بروحـي مانـزف أو سـال
......... لك الله .. مابقـى هـم ٍ اعرفـه ... ماملـى اوقاتـي
أجي لك ممتطي صهوة احروفـي .. شاعـر ٍ خيّـال
......... أبوصـل للعيـون اللـي .. مساهـا .. لملـم شتاتـي
على جال التعب .. أرمي جراحي .. واحسب الآمـال
......... ولالـي لالبـس ... هالليـل ثوبـه .. غيـر وناتـي
وش أقسى من الذبول اللي تشوفـه .. لابكـى رجّـال
......... وش آخر هالأفـول اللـي أشـوف .. بكـل نجماتـي
دخيلك هاتي لي ( قلب ) ومعه ( صبر ) ومعاهم .. ( بال)
......... دخيلك حس بجروحي .. ( أمـا تُبكيـك أنّاتـي ) !!!
دخيلك اطعن غيابـك .. تعبـت احايلـك .. واحتـال
......... دخيلـك .. ملنـي هـذا الطريـق ... ومـل جياتـي
عشقتك مثل مايعشـق شعـوري .. ضحكـة الأطفـال
......... عشقتك مثل مايعشـق طموحـي ... لمـس غاياتـي
عشقتك مثل ماتعشـق جروحـي .. صرخـة المـوال
......... عشقتك مثـل ماتعشـق عيونـي .. حبـس دمعاتـي
عشقتك مثل مايعشـق غـرورك .. رغبـة الإهمـال
......... عشقتـك مثـل مايعشـق خفوقـي .. سجنـك بذاتـي
أنا بصبر .. مـدام لكـل عقـده .. فالزمـن حـلال
......... واذا اني مـت ياآخـر طموحـي .. عيـش فابياتـي
ايضا بركات ..
ولن اكتفي بهذا القدر من العذوبة والجمال ..
دمتم للروعة والابداع ..