[سمـا خير]

.
.
وعليكم السلام ورحمة الله وبركاته
.
.
كل عام وأنت بخير وعافيه وسرور ..تقبل الله حجك وجعله حجاً مبروراً وسعياً مشكوراً
.
.
نجي للتعليقات ..

حبيت انزل لكم تقرير مبسط عن رحلتي لمكه لاداء الحج هـ السنه اسال الله ان يتقبل مني ومن جميع الحجاج حجهم ودعائهم والله يرزق جميع من هنا حجة الى بيت الله الحرام ..

^
^
آمين يارب العالمين ..
.
.

استغرب جدا ان فيه ناس كبار بالعمر وميسر لهم الحج ومطنشين تخيلو التقيت مع ناس من اهل مكه لسه ما حجو يقلع بليسك وش تنتظر !!

^
^
مدري بس أتذكر جدتي الله يرحمها كانت تقول مادعاهم الداعي ..
.
.
فلان ماحج مادعاه الداعي ..
.
.
يوم سألتها من هو الداعي قالت ملك من الملائكه مكتوبه عنده أسماء الناس الي بيحجون وهو يدعوهم وهذا فضل من الله ..
.
.
مدري عن مصداقية هالكلام بس هو منقول من جدتي ألف رحمه عليها ..
.
.
.

صدقوني مع كل تعب الحج الا انه له لـذه وطعم سبحان الله .. ومواقفه تضل بالذاكره

^
الحج رحلة روحانية لذيذه جداَ ..رحلة العمر وبالمناسبه هي جهاد المرأه ..
الله يتقبله منا ومنكم يارب ومن جميع المسلمين ...

بذكر لكم باختصار المشوار حق مكه طبعا انا اكره شي اسمه تصوير بقوووووووووة مدري ليه سبحان الله سواء انا اصور شغلات او اني اقعد اصور ناس او ناس يصوروني اول ما وصلت لمكه تحمست وصورت صورتين بعدين قلت ام الاستهباااااال الى متى بقعد اصور كذا انا وهونت قلت خلاص بنزل تقرير مبسط سريع سريع مو لازم صور

^

أنا بعد أصاب بنفس الحاله ..وإذا كنت مع زوجي ممنوع التصوير يقول خير ماعمرك شفتي خير ..وفعلاً ممنوع التصوير ماشاء الله سردك تصويري هالكتاب والوارة م زمان كانو يكتبون ويرسمون لوحات شعرية وإنسانية وملاحم من غير تصوير ولا شي ..
وبعدين مكه ونعرفها ..والمشاعر وفي قلبونا ..مايحتاج

وترى وضعي الصحي تعبان جدا والله الله يعين ويشافيني وجميع المسلمين بس ترى عادي لو كنت مريض وقريتو موضوعي العدوى ما تنتقل من الحروف

^

الله يشفيك ويعافيك ..وترى عادي أتذكر يوم رجعنا من الحج تعبنا شوي بس هالتعب ولا شي ...كنت أشعر بإننا تعبنا والتعب راحه لذة ..للحجاج ..

حاولت جاهدا هناك ان الواحد على قولتهم لا رفث ولا فسوق والحمد لله فعلا الاجوالء ايمانيه صحيح بعض التصرفات طلعت مني غصبن علي مو بكيفي والله

^
^
حنا والحمد لله ماكان عندنا رفث ولا فسوق بس يمكن حش شوي أستغفر الله
.
.
.أما زوجي فكل مانمر بحجاج أجانب يقومون بتصرفات غريبه مثلاً رمي الأوساخ أو ماشابه فكان ينصحهم بشكل يوحي لي أستغفر الله بالهواش وبعدين يتذكر ويقول حج ياحاج حج ياحاج ..وكانت هذي كلمته المشهوره حتى بعد مارجعنا وهو يقول حج ياحاج إذا جا بيهاوش وحتى يومنا الحاضر إذا يبي يمسك نفسه من هوشات يقول حج ياحاج ...حج ياحاج
.

خصوصا اخر يوم كانت الاخلاق قافله والناس كلها متنحه طبعا الرفث هو كل ما يريده الرجل من المراه يعني نظرات وتقزقز وكذا بطلها والفسوق هو المعاصي بشكل عام سواء قول او فعل لكن نقول يا رب اقبل حجتنا وعقبالكم يا رب

^

^

أستغفر الله العظيم ..خصوصاً حجاج تركيا وإيران عليهم أشكال أستغفر الله ..جمال غير طبيعي خصوصاً حريمهم أنا أقول سبحان الخلاق كل ماشفت وحده ..
.
.

لكني وجدت انه صدقوني مهما حاولو بكل الطرق انهم يمنعون الحج بدون تصريح والله يبطون كنا نكون واقفين على النقطه .. وقبل النقطه السيارات اللي معها حجاج بدون تصاريح تنزلهم يروحون يكملون مشي من الطرق الفرعية او يعني يبعدون عن الشارع ويكملون مشي على التراب وكذا لين يتعدون النقطه

...

^
^
مايقدرون يمنعون أي حاج سبحان الله ..حتى لو مامعه تصريح بس يقللون من هالظاهره جماعتنا في جده يحجون كل سنه قبل الوقفه بيوم يطلعون مكه بسيارتهم ولا حولهم أحد ومع بزارينهم ولا تصاريح ولا شي ..!
.
.
.
الحمد لله أنا نظاميه حجيت بتصريح ودي أحج المره الجايه من غير تصريح!

يعني الطواف كان فيه شوي زحام وصعب لكن مشت الامور الحمد لله ... بعدها رحت سعيت وطبعا الصفا والمروه الحين فيه 3 ادوار كمان نفس الطواف يعني الزحام قليل الحمد لله من اروع المشاهد اللي واجهتها وانا اسعى ... حتى اني والله كنت ناوي اصوره فيديو واقعد اسوي معه مقابله واكبر راسه انه بينزل بالتلفزيون السعودي ... شفت واحد فلبيني او مدري وش هو من طقة هالاسيويين .. مخلصين سعي وابوه الظاهر تعبان ... وهو مريح ابوه وقاعد وراه ويسويله مساج

^
^
على طاري المشاهد المؤثره أنا شفت افريقي طول بعرض شايل أمه على ظهره طوال الطواف ياربي سبحان الله موقف مؤثر كان نفسي اصوره الله يرضى عليه يارب قعدت ادعي له طوال الطواف
.
.

ومن اطرف المواقف اللي لقيتها لقينا واحد اندونيسي مع زوجته جلدها جلد احنا نناظر ومستغربين وش يسوي هالمجنون وهو مستلمها انواع الفرش شوي يوقف يهاوشها وهي تصيح ويرجع يجلدها لقينا الموضوع اخر شي انها كانت تاركته وضاعت وله فترة يدور عليها يوم لقاها من الفرحة العبرة خنقته ودبغ هـ المسكينه لين قالت بس لو تشوفون شكله يجلدها ويوقف شوي زي اللي يبغى يحضنها اني احبك ووينك وكذا ويرجع يكمل هواش

^
^
غريبه الأندونيسين شعب رايق ..ماشاء الله عليهم مع الزحمه والتعب هم بالذات في عالم ثاني ..
.
.
أما حكايات الضياع فأنا لي باع طويل فيها بس وأنا صغيره أبوي كان كل سنه يودينا الحرم مو الحج لأ في العمره كنت أخاف أي أحد من أهلي يضيع كنا ماشاء الله كثير وأنا شيخ الغفر أو مراقب المهم أقعد أعدهم ومره جات معنا عمتي أخت أبوي وضاعت وأنا أصيح وأقول لأبوي دورو عليها وين عمتي وكل ماشفت وحده لابسه أخضر قعدت أنادي عمه عمه ..وفي النهايه مالقيناها وأنا أصيح وبعدين لقيناها أعتمرت وخلصت وقصرت وراحت بيت عمي الثاني الي ساكن بمكه ..
والى اليوم يتذكرون هالموقف مع إنه مر عليه سنوات !

اتجهنا بعدها لمخيمات الحمله في منى ... قعدنا وريحنا شوي ويوم 8 جاء مطر قوي قوي ما شاء الله وهو نفسه اللي سبب المشاكل اللي جده وقتها وقت المطر قفلو كل مداخل مكه ما احد يدخل ... الدفاع المدني فصل الكهرباء عن منى كلها ... واعلنو للجميع حالة الطوارئ والاستعداد لـ الاخلاء يعني باي لحظه كنت لو ابغى شي اطلع من الخيمه ارجع القى الاحرام كله مووووووووووويه من قوة المطر لين الحمد لله وقف والامور عدت على خير ورجع الوضع لطبيعته والامور تسهلت الحمد لله

^

^

حظكم جاكم مطر ..يمكن وقتها شعرتم بتعب وبتوسخ الإحرام مثل ماقلت بس بعدين أحلى ذكريات ..يوم حجيتوا في المطر وفي رحمة الله لإن مطر مكه ماكان مثل مطر جده ..

طبعا انا كنت خاااااايف وبقوة ودايما اتخيل ان احرامي بيطيح وام الفضايح لكن الحمد لله طلع الموضوع سهل وفيه طريقه كويسه يتبثت فيه ومع الحزام الامور تمشي اصلا يوم جينا نحرم فيه ناس صارو يسالوني كيف نلبس وكيف نسوي حسيت اني كشخه وانا اساعدهم

^

^

مو الحزام ..يسمونه كمر وهالكمر إذا تثبت صح من عند الخصر خلاص مستحيل الإحرام يتحرك ..

المهم وقتها ضلينا بالمخيم لين غروب الشمس ... بعدها طبعا لازم تطلع من عرفه تروح مزدلفه

^

^

هالمرحله والسويعات التي سبقتها أهم شي في الحج كله ..
.
.
خصوصاً دعاء يوم عرفه ..يوه وما أدراك مادعاء يوم عرفه أنا شخصياً كل الأدعيه الي دعيتها في عرفه أستجيبت والله ورب الكعبه حتى أتذكر وحده من صديقاتي حلفتني أدعي لها تتزوج ..وأرسلت لي مسج وأنا في عرفه تذكرني وفعلأً دعيت لها والحمد لله في محرم أنخطبت وفي جمادى الثاني تزوجت وهالحين حامل ..
وكل ماشافتني قالت هذي دعواتك حتى صديقاتي الثانيات يقولون لي نوريك يوم تدعين لها وحنا لأ يالله متى بتحجين مره ثانيه ..!

تحركنا لمزدلفه ... الطريق كان فيه زحمه ... وطبعا مكه كلها زحمه ... يعني موضوع الزحمه وقلق السيارات وهذا بكل مشاوريك ... لكن الحمد لله ما طولنا والوقت للوصول لمزدلفه اخذ اقل من اللي توقعناه .. خصوصا هـ السنه عشان الخوف من الانفلونزا وكذا العدد اقل نوعا ما ... فيه ناس كثير يروحون مشي .. طبعا المسافه ما هي طويله لكن زحمة سيارات مو طبيعيه عشان كذا تاخذ وقت

^

^

أصلاً ربي أراد للمسلمين أن يجتمعوا في هذا المكان الضيق لحكمة يعلمها يعني ربي يريد أن يكون هالتجمع الإسلامي لكي يعلم الناس التعاون ويجعل المسلمين يتعرفون على بعضهم في مهرجان ديني إسلامي عالمي ..
.
.
طبعاً المبيت في مزدلفه شي شي تنام على الأرض وتلتحف السماء .. ..من جد جهاد المرأه ..
.
.

يوم رحت هناك شفت اغلب اللي قدامي يحلقون موس انا وراهم واشاور نفسي يا ولد موس اخربها وخلاص

^
^
حنا يوم حجينا أخواني وزوجي موس على طول من غير تفكير وكان معنا المذيع صلاح الغيدان وحلق موس ..
ومعنا وحده جات من بريطانيا مع ولدها هي سعوديه وولدها شعره كدش ماشاء الله ويوم حلقو الناس هو قصر ولا زال كدش حتى بعد التحلل كنت أقول لها شوفي كل الرجال تحللو من الإحرام إلا عبد الله ولدك وهي تضحك ..
.
.

طبعا بذكر لكم بعد ما اخلص شوية حكي عن الجمرات لان الجمرات بالذات كلها مشاكل ... كثير ناس يروحون متحمسين انهم بيقابلون الشيطان وشف انواع الدلاخه والعقول يا الله لك الحمد اخر يوم اللي هو يوم 12 ... طلعنا قبل الظهر عشان نوصل هناك مع الظهر اللي هو وقت الزوال ونرمي !!

^

أحمدو ربكم ..

كان رمي الجمرات من أخطر المخاطر وأنواع الزحمه والتدافع قبل الجسر الأخير الي تم الإنتهاء منه هالسنه وهو ثلاث أدوار بس ترتيب الحمد لله ومايصير فيه وفيات مثل الاعوام السابقه

ما شاء الله الاعداد كانت كبيرة جدا وقت طواف الوداع لكن نقول اجر ان شاء الله وربي يقبل

^

طواف الوداع يكفيك إسمه ..

.
.
الله يتقبل يارب بالنسبه للصحن تحس إنه يمشي هو أتوماتيك مو الناس الي يمشون !
.
.

ولقينا ناس تخيلو قوارير مويه معبينها حجار ... ويرمون بالقارورة كامله خييييير كذا تعور الشيطان واللي يرمي حجر كبير واللي يرمي زنوبته الله يكرمكم لقينا واحد من حقين طاجكستان مدري اوزبكاستان هالطقه معه حجر كبير ويسالنا وين شيطان

^
جهل كثير من بعض الحجاج ..خصوصاً حكاية الشيطان ..بس من جد من جد بعد رمي الجمرات تشعر بإنك رجمت الشيطان أو أخذت بالثأر أو شي المهم شعور داخلي يجعلك تشعر بالفخر والراحه في آن واحد ..

بس جد نظام الادوار الجديد حق الجمرات ما شاء الله الله يجزاهم خير لو الكل اتفقو يروحون يرمو سواء ما يصير زحمه كثير مسوين الادوار وكل جهة مخيمات يصير لها مدخل اجباري لدور معين ... يعني ناس تدخل من الارضي ناس من الثالث وكذا .. والله خففو كثير الله يكتب لهم الاجر

^
آمين الله يكتب لهم الأجر

يقولون أنهم جابوا مصمم ألماني بس عشان يرسم ويبتكر الفكره ..

.
بس تدري وش المكشله صارت المشكله في إن الناس كلهم يخلصون مع بعض ويوصلون الحرم كلهم تقريباً في وقت واحد ..لذلك تكون الزحمه في الحرم ..
.

.ما ودي اطول عليكم فيه كم موقف بذكرها لاحقا اللي عنده اي موقف او اي سؤال او محتاج اي فزعه ومساعده بالحج انا حاضر شاركونا

^
ننتظرك وننظر مواقفك ..وألف شكر لك على نصايحك ..

إقتباس

^

ننتظرك أخ سلمان وننتظر مواقفك

إقتباس

قبل الختام ... اكتشف بـ الحج 3 شغلات :

إقتباس

^
^
أنا بصراحه مع الإتصالات قلباً وقالباً أس تي سي في قلوبنا ..
.
.

اثبتت كفاءتها وبجداره

إقتباس

فازلين في قلوبــــ ــنا

^
ولا ننسى البندول بعد ..وكريم أبو عضلات وريبريل جل كلها لازم تكون في شنطة الحاج بس الفازاين نمبر ون

إقتباس

إقتباس

لو مصر دوله مو اسلاميه كان مكه فاااااااااااااااااضيه ما شاء الله يا كثرهم

^
المصريين على إنهم فوضويين شوي إلا إنهم متعاونين جداً جداً
.
.
أصلاً الحج عادي بالنسبة لهم وزحمة الحج عاديه جداً متعودين على كذا
.
.
الله لا يخلينا منهم

.
.
سلمان أسلوبك السهل البسيط الحكواتي أخذنا الى أقدس أماكن في العالم ..
تقبل الله منك ومن الحجاج والمعتمرين ..
.
.
.
مثبت