[محسن سبعان]

مهذل مهدي الصقري :

زنجروا من دوني الباب حيل اللْهِ القوي=علّموني جرّة القيـد والممشـى رويـد
اجذب الونّه وبين المساجيـن اعـوي=مثل ما فى القبر تعوي مراويح النويـد
ما استوت لي مثل ماهي لغيري تستوي=شينه الدنيـا وهلهـا قرايبهـم بعيـد
كفّ عنّي كفّ يمنـاك قدنـي مرتـوي=يازماني بـدّل الكـاس الاوّل بالجديـد
طير سلّم لي سلام المحـبّ المهتـوي=حالي ٍ واحلى من اللي ذوى فوق الجريد
خصّ به ياطير لاهلي ومن هو لي خوي=قل لّهم مكتـوب والله ِ يفعـل مايريـد
ليتني مثلك ومن عالـي الجـوَّ اهـوي=في مرابيع ٍ بقلبـي غـلا هلهـا يزيـد
عاد قلبي بالتساييـر عصـر منتـوي=وان لّقيت الزين هذاك عندي يوم عيـد
ليت من في حضْن سمرى الجدايل ينطوي=عقب حبّتها نسمْهـا يحَبْسـه بالوريـد

المجاراة:

حطّ ياطير مطوَّق مـن النظـم الضِّـوي=في غصون الصدْر واسمى بجوابي ياسعيد
مرحبا ً يامِنْزل الشعْر من صِدْق النِّـوي=عدِّ ما فيض النقا بَيَّض وْجيه (الضديـد)
الطلاقة فى ( البنـات ) التلايـع تلتـوي=والغلايل في غِمِرْ عايش ٍ برّى الحديـد !
الدعايـم هَدَّهـا مـن ظِليمـة مغتـوي=والنجـوم الباكيـه دَمْعَهَـا عِلَّـة عنيـد
مِبْرم قيـودٍ جِعِـل سُقْـم منّـه ينـزوي=يِرْمِد عيونهْ ولعظامـه وْ حيلـه رميـد
من ثمر زقّـوم قوتـه وروحـه تنـذوي=مجهم مخطومةٍ قادهـا جمـوع العبيـد
الـولا ركـن مقـدَّس وظلّـه يحتـوي=مثلك وْ مثلي وحنّـا التقـى فينـا فريـد
والفَرَج مجزى و مجنى الصبر يا مكتوي=والجمال الحقّ في حُور نرجس والسنيـد
كفِّ مخْضوب النواعم وشعّـال الضِّـوي=موطنه منّي شمـال وحُبِّـي لـه مجيـد