إقتباس:
الرسالة الأصلية كتبت بواسطة فهد بن محمد السديري
علم العفا وعفاك .. يا وافي الكيـل
000000000 أبشّرك بساطه.. وفـي خيـر وعفـا
نكفي بعضنا ,, وانتكافا على الشيـل
000000000واللي تعب من الحطّ والشيـل يكفـا
من ذاق حرّ القايلـه يعشـق الليـل
000000000ومن شبّ ضّوه ليلة البـرد .. يدفـا
لاعاد ليلٍ ٍ نمت به في حرى سهيـل
000000000وخايلت نوضٍٍ يخطف العيـن خطفـا
امسيت من جيل ٍ ولاهـوب ذا جيـل
000000000واصبحت ... والاّ ديرتي شبه منفـا
كنّا علـى فـال الشحـم والمعاميـل
000000000ونفوسنا انقى من نقى العدّ .. واصفا
وانا ولو راحـت بقولـة : تساهيـل
000000000صلف وصروف الوقت تحتاج صلفـا
ياترج جدّاني .. زحـول الرجاجيـل
000000000يحرم فلا لي عنك ياتـرج .. مقفـا
إمّا لطمنا العيل .. والاّ الطـم العيـل
000000000مادام شبّ النـار منـدوب الأطفـاء
خل ابرهه الأشرم على ذمّـة الفيـل
000000000وانظر لشيٍ .... مايوصفّـه وصفـا
ياذيـل والله ماتجـي راس يـاذيـل
000000000علمٍ ماهـو يغبـى ولاهـوب يخفـا
واللـي حمـا بيتـه بطيـرٍ ابابيـل
000000000ماجيتـك ادوّر لمـن راح واقـفـا
ولا جيتك اطلب منك بـن ٍ ولا هيـل
000000000جيتك وجرح الظلم .. غاديـه يشفـا
جيتك بكلمة .. كنّها صعقـة الويـل
000000000إن قلت تكفـا ... لا تهـاون بتكفـا
تكفا .. تراها كلمـةٍ تقطـم الحيـل
000000000لا بالله الا تنسـف الحيـل نسـفـا
تكفا .. ماهـي لمعقبيـن الفناجيـل
000000000تكفا لصلف وعـادة القـرم صلفـا
تكفا .. ترى تكفا لها هـدرة السيـل
000000000في صدر حرًّ .. ينتف الطيـب نتفـا
تكفا .. ترى تكفا لها تسرج الخيـل
000000000إن كان لك باالخيل سرج ٍ و عسفـا
تكفـا .. تبيّـن كـلّ لاشٍ وحليـل
000000000تسمع لهـا بالصـدر هبـدٍ ورجفـا
تكفـا .. وتكفـا ماتسـاق لمهابيـل
000000000تكفا .. تخلـي القـرم لاشٍ وهطفـا
تكفا .. تجنّبني هـل القـال والقيـل
000000000مانيب من ينكـف علـى كـل ملفـا
تكفا .. تراني من قـروم ٍ مشاكيـل
000000000حمّاية الساقـه .. بسيـفٍ وشلفـا
تكفا .. ترى تكفـا تـذّل الرجاجيـل
000000000ولولا صروف الوقت ماقلت .. تكفـا
الله اكبر عليك
محمد الدحيمي
صح لسانك يا الغالي
شاعر جزل من القلائل الذين يكتبون بهذا الابداع
لله درك يابو بدر وما اروعك واروع قصايدك
اعجابي كبير بشاعر عظيم تفخر شعبيات بتواجده هنا
وعيدك مبارك وكل عام وانت وكل عزيز لديك بخير
فائق اعجابي
|
الأخ العزيز والغالي ابو نايف
كل عام وانت بخير وعيدك مبارك
تضل يابو نايف انت انت لاتشبه غيرك ولا يشبهك احد
شكراً لك على كل شيء