السلام عليكم
كل عام وانتم بخير
مصافحتي الاولى اتمنى ان تنال استحسانكم
مابين ظلم الليل وانوار هالليت
اتحركت ذكراك صوره ببالي
وازعجت انا الطاروق من يوم غنيت
قطعت حبل الصوت من صوت عالي
وفردت جنحاني وكفخت وتعليت
من شي هاض القلب واسرف بحالي
وعلى السحايب اسمك بدمع خطيت
وبين النجوم حروف اسمك تلالي
ورتبت لك في داخل القلب لك بيت
متأثث بحب(ن) شريف(ن) وغالي
عساك تنزل فيه يامن تمنيت
ولا اعدم حسك وشوفك قبالي
الشوق يذبحني وانا ما تهنيت
والبعد يحديني لشد الرحالي
قلبي قوي لكن معك كيف حنيت
وشلون وكيف معْك ضاق احتمالي
ابيك تذكرني وإذا اشتقت لي جيت
وأبيك تنسيني زمانٍ مضى لي
أبيك لي عمر وحنان وتناهيت
وأبيك لي حزن(ن) وبرد(ن) وصالي
ما تدري انك كيفي لو ما تقهويت
ما تدري انك بالغلا كل غالي
وسلامة قلوبكم ..