[علي التركي]

قبل أن أدري عن قصيدة فهد السابقة ( شيخنا اللي فالقضا توه معيّن ) مع أنه نشرها كنت أنتظر شخص في مواقف عامه
وطال الأنتظار قلت ابتسلى شوي
أرسلت كم بيت بالفصحى لأبو سلطان ... رد عليّ بكلمات مختصرة ( أنا في دوره الآن )
ولأنه ذابحني الفراغ رديت على طول بكم بيت ولا تدققوا لأنها جت سريعة

يا فهد وش فيك جتك الدورة=وأنت حامل بطنكم ملياني
أنت الأصل ومنك يوخذ صورة=عد راهي يروي العطشاني
مير عقب الأرض صارت كورة=يكتسب منها عشاء الورعاني
شد يم الديرة الممطورة=يستمح بالك وعمرك فاني
غن وأطرب والعب الغندورة=ولا تفكر في كلام الجاني
وانس قولت راعي الباكورة=راكبٍ في راسك الشيطاني
يا فهد صاحبك زايد نورة=من نزل في منطقة جيزاني

الرجال شكله ما كمّل الدورة طلع وكتب كلمات
ثم أتبعها بأبيات :

يا علي وش فيك حست السورة=وأنت أعرفك تحفظ القرآني
صاحبك ما عاد له بالثورة=سلّم سلاحه وصار إنساني
كم سنة ما سدد الفاتورة=والسبب من لقمة اليتماني
لو يشد وينتحي طابوره=أرض ربي ما لها بيباني
مير كلت فالمسير سبورة=وانكفت يبري لها الخسراني
وصاحبك ما فارقت حنجوره=عبرةٍ ما ترحم الشفقاني
يا علي خل الغطى مستورة=قبل أصوّت وأعتزي باخواني

وابو سلطان الله يثيبه يكفل 330 يتيم
وإذا يبي رايي اليتمان كافلهم ربهم خلك رقيب عليهم بس ولا تحسّب تواليها
وابي رايكم هو صحيح انا حست السورة كما يدعي ؟!
ويمكن كلامه معطوف على ابيات بالعربي إذا وده ينشرها