و ... أدور وجه يشبه لي !
تغيب الناس ..
مثل الناس ..!
ولايبقى حزن غافل معاهم .. ماتنبّه لي !!
وينده صوت ..
وأحس ّ إنه يناديني ....وكان .. " الموت " ..!
واثاري كان ينده لي !!
واجيه .. أمشي !
واجيه .. أمشي !
وأجيه .. أمشي ... على مهلي !!
هنا وارحل بلاي ولاأعرف لـ وين !!
........................ هِنا وآفتش بـ صدري عن احلامي ..
ويذبل في دروب الحالمين / التين
........................ وتيبس ضحكتي في وجه أيامي !
وحيد .. ومامعاي إلا ثلاث سنين
........................ تنام بـ حضن ذاكرتي ..وأنسامي !
واروح افتح درايش وحدتي للبين
........................ من آلامي واباخذني على آلامي !!
يابنت أحلامي أحلامي بكتني لين
........................ شعرت إن الدروب اتضيق بـ اقدامي
وراميني العطش عند العطش للحين
........................ أنادي والظما يطرد ورى الظامي
قريتك نور في دفتر هوى المسكين
........................ ولمحتك أول الضحكات فـ إلهااامي
أنا المطعون من ياسي بلا سكّين
.........................يبست ومابقى منّي سوى عظامي
ياطفلة كلنا في هالعمر .. ماشين
......................... أشوفك بس اشوف الموت قدامي
قبل تدري الجروح وقبل لاتدرين
........................ بأن دروب حلمي خانت اقدامي
أنا ماقلت نامي في حضن هالعين
......................... أنا قلت لعيوني فـ حضنها نامي !!
وطفلك نام ...
تعب يلقاك في الدنيا وقال ألقاك : فـ الأحلام !
تعب يزرعك في عيونه ..
علشان الأمل : قدام ..
تعب يلمحك في صوته ..!
وفي موته ..
تعب يقراك : للأوهام !!
نساك أنتي ..
نسى نفسه ..
نسى الدنيا ..
ونسى ........... لاينام !!!
.
|