[أمجاد بنت محمد]

نيابه عنك يالغالي اجي / وادور المرسول
ابي افرح وابي اسعد بحلمن كم تمنيته
اجي في طلة الصبح / ويعانقني حلم مجهول
حلم عانق ضفاف الروح وترجي الله تحقيقه
ولكن ارجع وفيني بقايـا حلمك المعلول
وتضيق النفس والدنيا / ولاادل سوى بيته
اجي وافضفض لقلبه عسى عنده العذر مقبول
و اخفف هالاسى / والدمع تحرق بالجفن عينه
ولا به حاجتن تدوي سوى ردن من المسؤول
تبرد حسرتن بالقلب / وتروى بالامل عينه
وجاني في صباح السبت ردن جامد ومذهول
يقول أنه صدر اسمه و عليه الان تقديمه
وطارت فيني الفرحة واتمتم بالبكاء (معقول)
اخيرن اصبح الحلم حقيقة و واقع نعيشه
اخيرن حلمة تحقق وتجبّر كسره المبدول
وبدون شعور خطواتي خذتني رجلي لبيته
واخذت اقدم الخطوة وارجع بالخطى مثقول
وانادي بالاسم يا سعود جاك اللي تمنيته
واثاري الروح قد ماتت و بقى حلم لها مقتول

وسلامتكم

* القصيدة مُرتجلة / كيبوردية , والقصة غير واقعية
ولا اعرف ماهي كمية الاخطاء التي بها , لكنها بين يديكم الان
فرفقًا بها يا سادة