|
رد : .. خــلاص يكــفينا ..!!
والله مامـلّت عــطانا ســواعدنا
.................................. بس الزمـن من قسـوته مايخلينا
لاصار عن ضحكة جمانا مجردنا
............................. وشلون نضحك له وهو شامت ٍ فينا
لاالدرب ياسعنا .. ولاالصبر فايدنا
............................. وش عندنا نعطي على شان يعطينا
ياوقت عيد آمالنا معــْك أو ..عدنا
................................. شف حل ترضابه علينا .. ويرضينا
هاذيك غايتنا .. وهذا انت شاهدنا
.................................. وهذي مراكبنا .. وهذي شواطينا
امــّـا تخلينـــا ولا عـــاد تجـــهدنا
....................................والا ّ تـجي معنا وتبقى مصافينا
دام الطريق اللي بغيناه .. جـاحدنا
.................................... ودام الطريق اللي كرهناه باغينا
وش مــودع الايـام تهـوى ملاودنا ؟!
................................... والوقت .. وش علمه علينا معادينا ؟!
لا يالجفـاف ارفق بنـا .. لاتـراودنا
.................................. حنــا خـــلاص اللي جنيناه يكفينا
العمــر يبذرنا تــعب وانت تحصــدنا
................................... والصبــر الى منــّـا مسكناه يلوينا
ان كنت تروينا ظمــا .. لاتساعدنا !
......................... .........وان كنت تحيينا شقى .. ليه تحيينا ؟
تسـقي نـهايتنا .. وتـهـدم عـمايدنا
.................................... وتمحل حكـايتنا .. وتجـدب أمانينا
شبنا ولامــلت عـــطانا ســـواعدنا
...................................... بس الزمـــن من قســـوته مايخلينا
نواف
حطمتني قسم بالله
علمني من يكتب الثاني
انت ولا الشعر
ياخي حبيتك بعد هذا النص
لا يالجفـاف ارفق بنـا .. لاتـراودنا
.................................. حنــا خـــلاص اللي جنيناه يكفينا
العمــر يبذرنا تــعب وانت تحصــدنا
................................... والصبــر الى منــّـا مسكناه يلوينا
هنا صورة تحطم صورة المولينيزا ..
سلمت وصح فكرك
يا خطييييييييييير
لك مني كل الود ,, ,
|