[نوف الثنيان]

الرسالة الأصلية كتبت بواسطة إبراهيم الوافي



بانتظارك تحفظين .. آخر حروف الوله ...
الكلام بآخره .. والشجن في أوله ..!
ايه ابكتب لك كلام ...بس خلك واسمعي ..
يشبه احساس السلام لاتكلمتي معي ..!
مين انتي ..؟ قلتي انك معجبه .. في قصيدة عابرة .
.بس لو تدرين روحي ..
آه ياهي متعبة ..ومن كتبت مسافرة ..!
وين غصنك ..هاك عصفور وتعب ..
فيه من ليل الكلام ..شوق وانفاس وشغب ..!
قولي الموطن أمان
اسمي من ( نكهة شموخ )
وطيفي من غيمة حنان ..!
بس انا اسميك جنة . لااااا جِنانْ ..
واجمع طيور المدينة .. ونسكن غصونك مكان.!
قولي ..اسمي بس حرفين وقصيدة ..
بس شاعر يحفر بشعره رصيف وينتظر ...!
قولي اسمي من فجر .. طل في ضحكة صباح ..
قولي إن اللين طبعي .. وآخر عتابي ( مزاح )
قولي ان اسمي وفا ..
وان احساسي سلام
وحب ما يعرف جفا ..
وان طعم الانتظار ..
برد والدنيا دفا
قولي .. انك تنتظرني .. وانتظر منك السكوت ...
قولي ان الحب الاوفى ..مستحيل انه يمووت ..
قولي ياشاعر مسا ..
بس ياليت وعسى .. لاتحرينا مطر
وبلّل إحساسك سطر ...
نكتب العنوان باسمك .. والسوالف من عطر
(شاعراحساسه حنون
وطول عمره ينتظر ..!


)

الشاعر / المبدع / الوافي / إبراهيم ..
أحاسيس عاشق قلّما نجد صدقها ..
وكأنك تشق قلبك لـ نحسب نبضاته ..
وله
شوق
لهفة
أرق
قلق
شجن
حنان
حب
دفء ..

تمتطي الغيم .. لـ تهطل من فيض.. وتروي القلوب طيبا ..

إلى كل الإنتظار .. الـ فاض منه الشعر ..
لاحاجه أن نستفتي قلوبنا لـ نصدقك ..
بانتظارك " عقد فريد " حباته ثمينة .. مبهرة .. مدهشة ..
نزهوا به في كل حضور ..


شاعر يحفر بشعره رصيف وينتظر ..
ما أجملك .. !

دمت بـ شِعر و .. بـ شِعر ..