الأخ العزيز علي السلام عليكم
مشكور وما قصرت وانت الواجب ثلاثة ايام ما تكلف
بشيء حق الضيافة وعقبهاالله يعينك وابشرك حمودي
لقيناه ومن فزعتك فزيت و كتبت هالبيتين وحنا
ننتظر طلت حمودي واستجوابه عن الغياب .
اقول لك وللجميع .
ياعلي بن قايض بعد ما استشاطت
*********** وصارت دعاويها طويلات وعراض
وافكارنا من غيبة القرم حارت
***********واسمه علينابالجهازات ماناض
وابومهنا من مساعيه طــــارت
*********** طيارة تكشف ضلاعين وفيـــاض
وراع العنود ارسل مواتر وسارت
*********** مع كل سواق(ن) معاون وحضاض
وعنه البراقي كل ساعة تبارت
*********ومن همه الموضوع في دورته خاض
خاض البحور الي هدت عقب فاضت
*********وجانا خبر مثبوت من عقب ماراض
انه بخير ومشـكلتنـــا توارت
********* بعلو نجد يزور ويخلص اغراض
وفزعتك هذي لجمل الشكر نالت
************* شهادة تحمل جميلات الألفاظ
وسلامتك وسلامة الجميع واعذرونا على القصور
هذي قصايد مواقف مهيب تبييت لذا يعتريها بعض
القصور تكمله جمالتكم . تحيات اخوكم ابونوت
[ ديسمبر 14, 2001: تم تعديل الموضوع بواسطة : ابونوت ]
|