0
0
0
بسم الله الذي لايضر مع إسمه شيء
وبعد أحبتي .. / .. أسعد الله أيامكم كلها
وكل يووووووووووووم وأنتم بخير يارب .. لاجديد
لكن .. أقرب قصيدة إلى قلبي ..
وأحب قصيدة علي .. ويعلم الله كم لها في قلبي
أتمنى أن تعجبكم ..
وشكراً لطُهر قلوبكم .. أيها الأنقياء ...
0
0
0
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
0
0
0
0
0
0
شف ذي تجاعيد السنين الماضيه أكبر دليل...=ان ماباقى بي من عمر ياصاحبي فية ظلال
الله وكبر ياالسنه ماعاد فيها من طويل...=وانا مع اوهام الامل شفني فقدت الاتصال
يارب أنا ماعادني حيٍ وأحس إني قتيل...=وما عاد باقي بي علي الا شماغي والعقال
يالله يامن تستحق الحمد والشكر الجزيل...=لطفك علي ان جيت لك محمول بااكتاف الرجال
لاوسدوني والترايب فوق جثماني تهيل...=لادموع عماني تبي تنفع / ولا دموع الخوال
خذني بواسع رحمتك يامالك الظل الظليل...=واغفر ذنوبي واسقني من كوثرٍ عذبٍ زلال
يالله وانا عبدٍ شربت الخوف والصبر الجميل...=واسرفت وذنوب الجهل فيني غدت ثقل الجبال
جيتك حزينٍ مستحي هايبك وابكي لك ذليل...=وارجيك وارجي رحمتك واطلبك الا ياذا الجلال
يامن إليك المشتكى ماعاد بيديني حصيل...=لا ماجنيت من الحياة الا هزالٍ في هزال
لاتخلي الرحمه بعيني تتصف باالمستحيل...=ولا تترك ابليس الرجيم يشدني للإنحلال
لا يإإلاهي هاجس الفرقى وهاجوس الرحيل...=دايم يلازمني وانا في حل والا باارتحال
كل ماجلست استرجع افكاري واهوجس باالسبيل...=يجيني ابليس الرجيم يقول ياولد الحلال
يالله خذني من هجوسٍ ولعت راس الفتيل...=وعطني رزانه واتزان وحسن نطقٍ باالمقال
واغدق علي من الثبات ان قامت الدنيا تميل...=ولا تجعل اكبر هم قلبي كيف تجميع الريال
يارب انا وان جيت مكه قامت دموعي تسيل...=من خوفي إني مجنبٍ والعفو والرحمه شمال
يارب أنا ماطاب لي نومٍ ولا حتى مقيل...=اسجد وانزل هامتي وارجيك من ذل السؤال
أعوذ بك واستغفرك من كل قال وكل قيل...=وأعوذ بك من فتنة الطرحه وربات الجمال
يامن وهبت الشاعر الغاوي كثيرٍ من قليل...=واعطيتني شعرٍ شلع بااسمي على رووس الطوال
والله لو إن الشعر منصب والله إني لااستقيل...=واتوب من هم القصيد وكل قيل وكل قال
وش فادني لو نصب إسمي فوق مزمومٍ طويل...=شفني ذبلت من الظما والحال لا والله حال
يالله يوم الحشر لاتجعل قصيدي لي قبيل...=خبري به إنه مايجمل لا حرام ولا حلال
والشعر والله مابرد غلي ولا يشفي غليل...=ماغير زود ضيقتي واشعل ميادين القتال
ويامن هواه أذلني بالله قل اين السبيل...=أين السبيل فدلني..لدروب مافيها ظلاااااااااال
والرجل كانه ماظفر في عيشته كود الهزيل...=فاالله يعينه لاخطفه الموت ثم شد الرحال
وأنا ذبلت وبالسنين الماضيه أكبر دليل...=ان مامضى واللي بقى ياصاحبي فية ظلال
لكن عسى اللي يستحق الحمد والشكر الجزيل...=يلطف علي إن جيت له محمول بااكتاف الرجال
لاوسدوني في ضياق القبر واقفوا للرحيل...=ابقى برجاك ورحمتك يارب الا ياذا الجلال
0
0
0
0
0
0
[/poet]
شعر /
(( .. ! عبدالله الدواس ! .. ))