شعبيات - مشاهدة مشاركة بصفحة مستقلة

نواف الشمري · 02-09-2003, 16:05

في محل البـدر حـلّ ولا تهيّـب
والقمر ما كلّ خـدٍّ جـاء بدالـه
من يشمّه مات عمره ما تطيّـب
وش يبي في الشيح والعنبر حلاله
وابو عنقٍ عن حشا صدره تسيّب
يا حياة الشرّ يا عنـق الغزالـه
وابو نهـدٍ لا يخيْـب ولا يخيّـب
تقْل فوق الصدر يُلقي له مقالـة
وابو قـدٍّ لارقـص مـا ينتعيّـب
وصف دابٍ ينفخ الساحـر قبالـه
وابو خصرٍ لا حضر ردفه تغيّـب
من عصا موسى على وصفه دلالة
وابو ردفٍ ما يجيبـه ردف ثيّـب
قومته ما قامها صاحـب جلالـة
يوم شفتـه لا بعيـد ولا قريّـب
لعنبو جدّه تقِـل يمشـي لحالـه
ان وقف لا هو دقـاق ولا دبيّـب
وان مشى كنّه يطالع في ظلالـه
ولّ مشية ما مشاها الا الحبيّـب
كنْ يمينه ربّطوهـا فـي شمالـه
صاحبي لا قلت شـيٍّ قال:طيّـب
اطوع القلبٍ يحبّـه مـن خيالـه

.
.
.

الى متى والشعر .. ناصر .. ياناصر

لعنبو جدّه تقِـل يمشـي لحالـه

هالشطر لحاله قصايد ...

لاغرابه في ابداعك وتميزك ..
بل لا غرابه في تميز تميزك

دمت شعرا ..

02-09-2003, 16:05	#19
نواف الشمري شــــاعـــر	في محل البـدر حـلّ ولا تهيّـب والقمر ما كلّ خـدٍّ جـاء بدالـه من يشمّه مات عمره ما تطيّـب وش يبي في الشيح والعنبر حلاله وابو عنقٍ عن حشا صدره تسيّب يا حياة الشرّ يا عنـق الغزالـه وابو نهـدٍ لا يخيْـب ولا يخيّـب تقْل فوق الصدر يُلقي له مقالـة وابو قـدٍّ لارقـص مـا ينتعيّـب وصف دابٍ ينفخ الساحـر قبالـه وابو خصرٍ لا حضر ردفه تغيّـب من عصا موسى على وصفه دلالة وابو ردفٍ ما يجيبـه ردف ثيّـب قومته ما قامها صاحـب جلالـة يوم شفتـه لا بعيـد ولا قريّـب لعنبو جدّه تقِـل يمشـي لحالـه ان وقف لا هو دقـاق ولا دبيّـب وان مشى كنّه يطالع في ظلالـه ولّ مشية ما مشاها الا الحبيّـب كنْ يمينه ربّطوهـا فـي شمالـه صاحبي لا قلت شـيٍّ قال:طيّـب اطوع القلبٍ يحبّـه مـن خيالـه . . . الى متى والشعر .. ناصر .. ياناصر لعنبو جدّه تقِـل يمشـي لحالـه هالشطر لحاله قصايد ... لاغرابه في ابداعك وتميزك .. بل لا غرابه في تميز تميزك دمت شعرا .. التوقيع: twitter: @Nawafhmoud