ليه أنا لا قلت أحبك
ينزرع بالقلب ورد
والهجير يصير برد
واشعر بقيمه حياتي
وان هذا الحب ذاتي
وأن هذا الكون فرد
ليه أنا لا قلت أحبك
الظلام يصير نور
والغياب اللي ذبحنا يموت في يد الحضور
وتولد بفمي قصيده ريحها عطر وزهور
والطيور تطير بدري وتصبح الدنيا تدور
ليه أنا لا قلت أحبك
ينتهي فصل الخريف
وتنتهي قصة ورق اصفر تساقـط
فوق ذاك اللي يسمونــه رصيف
ويبتدى فصل التلاقي
مثل ما أحلم في لقاك
و تحلم أنته في عناقي
ياحناني يـ شتياقي يـ حتراقي
ليه أنا لا قلت أحبك
ينكسر بالقلب عود
والحمام أللي رحل سربه
من أول يوم في صيف سبتمبر يعود
والجمود اللي سكني والبرود اللي طعني
يوم أحبك
ينتهي ذاك الجمود
وينصهر ذاك البرود
وتنلغي من عالمي كل الحواجز والحدود
ليه أنا لا قلت أحبك
يصبح العالم خيال
وان حلم المستحيل وقسوة أحساس المحال
كلها بكلمة أحبك
ألأمل يصرخ تعال
ليه أنا لا قلت أحبك اشعر بمعنى الجمال
ممكن أعرف ياحياتي وش أجابة هالسؤال ؟