يا بو سعد .. قطّع السبحة=خلاص زانت .. قوافينا
قل للضواري : نبي مَسحَه=على المناطق .. حوالينا
الله يعطيهم .. الصحه=اللي تأمن .. حوارينا
منوّل .. قليل الفلحه=( راع الجنونه ) .. موذينا
واليوم غنوا لهم .. فرحه=ضباطنا تحرس .. المينا
الليلة .. الليلة .. الدحه=تبي تضوي .. مبانينا
اصواتنا .. لو بها .. بحه=تطربك .. وإن كان .. غنينا
صويبنا .. يندمل .. جرحه=لاشاف .. صبة .. قهاوينا
يا بنت .. ذبي لنا .. الطرحه=خوذي بقايا .. خوافينا
صدورنا .. تشكي .. الكحه=والزين .. يا بنت .. يعمينا
شيٍ يجي .. ( كايدٍ شرحه )=يعني : من اتلى .. توالينا
يا صاحبي : صوتنا .. وحه=للي يدور .. مساوينا
ابياتنا .. لو تجي .. مزحه=تلقا الدسم .. في معانينا