[نورة العجمي]

الرسالة الأصلية كتبت بواسطة **********

استغفر الله العظيم و اتوب اليه
احب فقط ان انوه باحترامي لكل من عاتبني بصدق و محبه , و لجميع الذين لا يعنيهم هذا التنويه , و انا كنت تارك الامر لله لكن صاحب الصوت طلب مني الرد
اما مادون ذلك فهو دون ذلك.

سلام ما يرجي مصلين المساجد مستجيب =
و سلام ما صلى و سلم مسلم ٍ على الحبيب =
يا شاعر الدانه هلا يا مرحبا لوّك تصيب : =
ماهو غريب ان الامير يهوش , لكن الغريب =
وانا اخبر نفسي قبل يحكى علي في ظهر غيب =
ماني ردي وانا وريث الطيب من كساب طيب =
ياصاحبي والعلم عان العلم واضح يا شبيب =
عديت فوق الرجم , لين اوحيت من زود النحيب =
يا سيدات القصر , لو " نقد السياسه " صار عيب =
ناس ٍ تدور للستر في طول ثوب و كبر جيب =
لو الحرامي يترك الديره و يزبن في الشعيب =
خل الليالي , تكشف الراس الذي يملاه شيب =
الله يسامح كل مخطي مير ما كل ٍ مصيب =
و اذا جذامير الحطب مالت مع الغصن الرطيـب =

و السلام عليكم و رحمة الله و بركاته

سلام ما هل المطر في واديٍ زرعه عجيب
......... إليا كلاه المستغش أمسى وهو وجعانها

سلام ما حطوا هل الكشتات فالشاهي حليب
......... دام السلام أضحى كليشه .. لازمت سرقانها

يا دارنا حنا ابتلشنا في حثاريب القليب
......... حبل الرشا مظهر لنا حضران مع ذبانها

يا شاعر الحانه هلا والبندق بجنبي قريب
......... ما أرمي بها النصع القريّب واللحم نيشانها

منته قبيلي خابره .. يالمستشك المستريب
......... انا بغيت اللي ( نغزك ) وسلّفك عنوانها

وش عرفك كلمة ( تجذمر ) يالأريب وياللبيب
......... إن قيل لك قل ( عانها ) جيت إتمنطَق (عانها)

تنقل مشاهيب الحطب والا تصدرها لشيب
......... اسفار حاملها ( الحمار ) ولا غذته سمانها

والبل , أعرف وسمها ماهيب من ترثة صِليب
......... اللي وسمها باعها .. واللي شراها هانها

يا ذود هادي او مشبب او شجاع او هو شبيب
......... أو حجه أو مزنه أو إبل إغزيّل وسلطانها

خل الأماره للأمير .. وللضعيف أمر الرقيب
......... ترا الإماره قفّلت من هذرتك بيبانها

كانك تدور للستيره لا تجي دربٍ صعيب
......... نسوانه أرجل يا ولد من ( ..... ) ورعانها

بعض المعاني لو بزيد عيارها قالوا إهييييب
......... الغاشية في سجنها .. وأميرنا سجّانها

ياهويدية عوذي من ابليس الغوي والعيب عيب
......... مالك ومال الفتنه اللي لو زفن شيطانها

يا المستظن بزين فعله ما يجيب اللي يجيب
......... الا بشوري قاضبه سرج الفرس وعنانها