إقتباس:
|
الرسالة الأصلية كتبت بواسطة ابراهيم الرشود
نواف بن حمود الشمري
إسم خالد لقصيدة زائله ..
سلّم على نواف الحمود ياصاح
............................ودنّق على خشمه وريّح دليلك
وإن قال : "وإبراهيم .. عساه مرتاح؟"
...........................قله من اللي فيه جيت أشتكي لك !
وإقرا على سمعه قصيدي وإذا شاح
.........................اسكت وإذا تكلمت كلمه .. ياويلك !!
لنّي أعرف نواف واحد ولمّاح
..........................وان قال ,, صدقني بيشفي غليلك
نواف..يانواف..ياعذب الإفصاح
........................يامروي أكثرك بعذوبة قليلك
ماجيتك إلا بعدما طاح ماطاح
.....................والنفس طابت وأنت عارف خليلك
نواف..واللي مافـ محانيهم أرواح
......................وش قولتك لو طوّلو يوم ليلك ؟!
تسعة سنين وليلي بدون مصباح
....................ولاأشفق علي الصبح -الله وكيلك- !
وأغلى عدويني ماخلاّني أرتاح
..........................حتى عقب ماراح عني دخيــلك
أقول له :"وش غايتك تزرع جراح؟"
.......................يقول:"وين يروح لاسال سيلك؟! "
قبل أمس أهوجس به الين العتب ساح
.....................وأقول ياابراهيم ياعزتي لك !
مسلّمه قلبك على شكل مفتاح
......................وراح وترك بابك مشرّع لويلك
تصدّق إنه ردني مفرق (رماح)
....................وأنا مغير أعيد (ياحبني لك)*
أغنيّةٍ كان لاشلتها صاح !
...................ويقول : "أنا أحبك بعدلك وميلك"
الين ماتغير .. وغيّرني .. وراح
.......................وهددت فيه : " إن رحت والله ياويلك!! "
"صدقني ليا رحت مانيب مرتاح
.....................وبأدعي على غيمة عيوني تسيلك !! "
ــــــــــــــــــــ
*(ياحبني لك) أغنية تسيل بالشجن 
. |
رائعه جدا ً جدا ً جدا ً
من شاعر كبير إلى شاعر كبير
امتعتنا يا ابراهيم
سأبقى هنا
