[عبدالرحمن السعد]

.....................
لا عاد جرحٍ في يتيم الفرح لاجْ
جرحٍ جروح الناس عنده سماجة
(ملتاع)
طلال الرشيد رحمة الله على روحه الطاهرة
،،،
عجاج الكون يا ربي عجـاجْ
عجاج الكون..
ما فيهم أملْ
قلبي ما احتملْ
عذبني وهـاجْ

والله عجاجْ
ما فيهم أملْ.
يقتل "وحيد القرن"
"طنين وحياة"!
عشان تلبس سيدة، ثنتينْ
خاتمْ!
للجريمة: فصّ عاجْ!
،،،
يقتل الشاعر
عشان "المنتدى"
يطلع لنا في شكل "تاج"!
،،،
لا ترمي الناس بحجر
ما دام بيتك من زجاجْ
،،،
عجاج الكون ياربي
عجــاجْ
عز الظهيرة
وانت في ساحة ظلامْ
لو فيه بارق فالأمام
ما شلتْ في ايدك سـراجْ
،،،
والله عجـاجْ
العمر أعيشه لك وأموتْ
لو لحظة الشوفـــه تفوتْ
يا "منتهى الصدقْ" احتفلْ
بدا "شعاعـك" بالخفوتْ
،،،
لا تنهمرْ
"فضفض" بلا عبراتْ
وانزف في "سكوتْ.
،،،
والله عجــاجْ الكونْ
من حق الفرح يفرحْ
ومن حقي أجي
ومن حق البحر يسبحْ
"أنا ما أرتجي"
ومن حق السهم يجرحْ
واضيّع مخرجي.
عجـــاجْ والله
والمدى ما به بصيصْ
مع انّي ما فرّطت باحساسي
وعلى المبــدأ حريصْ.
،،،
عجـــاجْ والله
والمدى صـامتْ
عجـــاجْ والله
والحروفْ
باحساسها هامتْ
عجـاجْ والله
والوجوهْ
في حزّتك قـامتْ
واحتلّت الحلم القديم
من شاف حلمي في سديـم؟
فجأة، تحدّتْ كل شي
خلتني، ونامتْ!
،،،
عجــاجْ ياربي، عجـاجْ
مابي سوى دربْ
مابي غضبْ
مابي ولا حتى ألومْ.
لو شرقوا يممت غربْ
أحتاج تحديد الجهاتْ
الحلم مــاتْ
(من دون ما يعلن سبب واحد من اسباب الوفاة!)
ومن دون ما ندخل بحربْ
،،،
والله عجـاجْ
وان كان ما ودك تفي
ألقى العـزا في أحرفي
يا "عارفة"
ما فيها شي
لو ما بغيتـــي تعرفي
سوي لي باحساسك ورود
إكليـــــل معنى واحتفي
ترا "الغموض"
اللي رميته في يديك
واتعبته بخوفي عليك
خلا الموانــي تختفي.
،،،
عجاجْ
والله عجاجْ
،،
(وبس عشان القافية، باكتب: دجاج!)
،،،،،،،،،،،
(5م) بتوقيت الرمل، 25/02/2004
__________