غالي والطلب رخيص
ياحلوتي:
غرقان .. غرقان
للشوشه
ياحلوتي:
بلشان بالهم
وجيوشه
والليل مايرحم
ولا السهر ياوي
والصبح يابعدّه..
أنقزّ ولا
أنوشه
ياحلوتي:
طعم البطاله مرّ
وطعم السوالف مرّ
والحظ طعمه مرّ
واللي أمرّ
كم؟علم مارد علم
وكم؟ حلم هنيّا مَرّ
بس سبّب
الهوشه
بيني وبين ..أثنين
_ طعم الحياه
_ والناحل اللي للنحل
يهدي عسل
وش عاااااد
لو يضمرّ
ساري على عليّااااه
لوالطريق أغوااااه
يكتب مسافاته
لو المسا...فاته
وظلّه لهم يقرااااه
ياحلوتي:
هو ظل بها بعدين
وبعّ ديِن
وبع ديّن
الديِن ماينباع
والديّن ماينباع
والشعر ماينباع
إذا كتب دمعة حزينه
وأكتز صوت الجياع
يموت وهو ملك الفقر
وحروفه
عروشه
ياحلوتي:
ماضَلّ
ياللي لرمشك ظِلّ
ماضل تحت العين
ولاضل تحت الشمس
إلا ملامح أمس
وبعض الأمل باكر
وتااااااالي دخان
يسوي حاله ظِل
ياحلوتي:
ماضل شين
إلا نقط الحرف شين
الحظ شيّن
لاتطّف شين
تري السهر مثل الخوي
وتري الخوي بالذمه
كلمه على جدار الوفا
يابنت
منقوشه
ياحلوتي:
باقي
باقي عن الآذان
حوالي الساعه
لا والله
باقي نص
ولاأكتمل هالنّص
بس ياترى يامات
من ينقلّ
نعوشه