[صالح العبدالكريم]

وقفت أراجع الذكرى سواليف وقصص وأحلام .......... طواها الوقت .. يا خلّي .. ولا لي منّها حيله أحسّ برسمها يملا فضاي وطيبها أنسام ........ ومن ظلم الزمن أسمْعه يقول شلون جيتي له ضحكت وغورقت عيني بدموعٍ ملحها نهّام ........ وسكت من القهر وأزريت أحط الهم وآشيله وقمت الملم جروح ٍ ورى حدب الضلوع تنام ........ ونزل ستر الظلام وجات لطروق الهوى ميله وأعود أعود لايام ٍ مضت وأقفت وراه أيام ........والآقي بعضي اللّي غاب عن باقيه وأشكي له إلى منّي ذكرت اللّي مضى واللّي بقى قدام ....... أقول الله يعييييين القلب من شي ٍ يبي يجي له أنا حظي من الدنيا مثل حظي من الاوهام ........ أداري بالخفى جرحي وإلى من صاح أغني له .!!