[سرحان الزهراني]

,

يا كفوفك ..
وين ادوّر لمسة كفوفك .. وهذا الصبح أعمى ..
قاصرٍ حتّى يشوفك !
وين أبعثر فرحتي لاجيت من تعبي مسافر ..
والتفت ودّي أشوفك ..
وشفت خوفك ؟!


ممتلي بالأسئلة ..
والأجوبة تملى رفوفك !
وآنا بعدي .. مالقيتك !
وانتي تشتاقين .. واشواقك قسم بالله ماترحم عيوني ...!


يا حناني / صوتي الدافي / الأغاني والقصايد / رقّتي / لطفي / مدامع خاطري / ونّات صوتي !
طوّل غيابك ..
وانا مثل الضرير اللي بعد بكرا بيشوفك ..
وما يشوفك !!


وين رحتي ..؟!
كل ( عذرك ) للغياب اسباب ..
وانتي غايبة عنّي ولا حتّى رسالة .. ( ع الأقل تطمنيني ) !



يا عيوني ..
ياكثر هالليل بعدك !