ياللي خذيت القلب ارجوك خله *** خله يعيش بدنيته مثل ماكان
من بعدكم صارت حياته ممله *** ضاقه به الدنيا حزين وشفقان
شفقن على شوفه مناته وكله *** اللي بقى ذكراه بالقلب سكان
اقفى وخلاني لدمعي اهله *** خلى حياتي كلها هم واحزان
ياطير هات علوم خلي وقله *** قله ترى من بعده القلب مرضان
وقله ترى ما اعرف غيره وادله *** وما اخون عهده لا مع انس ولا جان
وما اخون حبه واحفضه ما اذله *** وابقى على عهدي حريص وصوان
مهما تسوي خافقي ما يمله *** لجل العيون اللي لها القلب ولهان
واليوم تنوي الهجر ويلك من الله *** وعزيت نفسي من مذله وحقران
وعندي صبر واصبر على كل عله *** وعندي كرامه مالها وزن ميزان
واساير دموع العين عما تهله *** وتسبقني العبرات واعارض احزان
همي من اسبابه وشكواي لله *** انتي تركتيني وكل الهدف بان
انا لي اللي خالق الكون كله *** واقول روحي صرت انا اليوم ندمان
مع تحيات / ولد باريس القطري (السهلي)