سكــر بنات
إن نزلتك شوق ..
تعبني طلوعي ..
وان طلعتك شوق ..
نزلتي دموعي ..
يااغرب اغرب من يحب ..
واقرب اقرب من يحب ..
انتي وحدك ..
عارفه موعد خضوعي ....!!!
**********
فرقيني وبسهوله ..
فرقي بيني وبيني ..
واوعدك ..
لانجمع لجلك حبايب ..
من هدب قلبي لعيني ..
فرقيني واوعدك ..
لانتثر لأجلك هبايب ..
مالها حاضر وغايب ...
فرقينا وانثرينا كلنا ...
أنا ...
وأنا ...
وأنا ..
واوعدك ماتعرفي ...
من أنا فيهم ..
ومن فيهم أنا ...!!!
**********
شرقيني ..
وانزعي للشمس جلدي ..
لين تلعن خامس الدنيا جلودي ..!!
ولين أنسى ..
سادس اسامي جدودي ....!!
واتركي للريح 00
حفنه من ترابي ..
لاجل اسميها حدودي ....!!
يمكن أتريق بـــمـاها ...
يمكن اذبل في سماها ..
ويمكن اناضل واموت ....
واندفن .. لكن معاها ...!!!
**********
فسريني ..
فسريني كيف انا ميت واسولف ..
وكيف انا مشلول واوقف ..
وكيف انا اتنفس وانا اذكر ..
إن آخر شي فيني ..
كان هو ذاك الرماد ..
وان آخر مالبسته من ثيابي ..
كانت ثياب الحداد ..
كلها كانت سواد ..
كلها كانت سواد ..
فسريني ..
هو أنا موتي غدا ..
كبوة جواد ...........!!!!!
**********
اصبري لين اعتذر لك ..
عن ثمان سنين مرت ..
من وفاه ..
كنت اسميها حياتي .....
اصبري .....
لين اجمع لك رفاتي ...
اصبري باشوف امي ..
كيف تبكيني علي ...
اصبري باشوف دمي ..
هو صحيح يصير مي ...
اصري باقول شي ..
هو انا للحين حي ...!!!
**********
تصدقي ما مت باقي ....
يمكن اللي مات موتي ...
يمكن اني حي عايش ...
وانتي فسرتي سكوتي ...
ا ما فيني حياه ..........!!!!
**********
بعد هالموت المثالي .......
تسمحين اطل من عيني ......
على عينك واشوفك ....!!؟؟
وبعد ما عدى على موتي ليالي ...
تسمحين اشوف آخر ...
من لمس جمرة كفوفــــــك ...!!؟؟
تسمحين اعرف من اللي ...
قال لك ياحلى البنات .....!!؟؟
قالت انت ...
وقالت انت ...
واللي قبلك ....
قالها البارح ....
ومات .........!!!!!!
عبدالله الاسمري
Asmri2002@hotmail.com