مشاهدة مشاركة بصفحة مستقلة
قديم 04-09-2010, 10:17   #31
محمد الدحيمي
متنبي الشعر الشعبي
 
الصورة الرمزية الخاصة بـ محمد الدحيمي
 

رد : منااااااا (ياووووطن..) اااااافي

محالة البير .. يا ام اربع مقاطيبي
دلوش على البير والا طاح بالغبّه


اثر العشاء راح قطّه يامعازيبي
وجينا بنشرب من الماء واثره .. بدبّه


يـ المسجد مزخرف القبّه .. بك الريبي
مانت بـ على يمّةٍ .. يامزخرف القبّه!!


عادك على قول الأمريكان ( يالبيبي)
محزمك فاضي وشوري بالفشق عبّه


مانيب من تطبخه زيف الأكاذيبي
ذا الباب قفله بالمفتاح .. والضبّه


واذا على الشعر ضاري به .. وضاري بي
الشعر يضرب بي الأمثال .. واضربّه


شاعر على فطرتي ..
ماهو على جيبي ..
واللي مدحني بوجهي مدحه ْمسبّه


يشهد على طيب نفسي عالمٍ غيبي
ينبني عالجميل الطيب .. وأنبّه


ومطفف الكيل .. والمكيال يبطي بي
مابغى شعيره .. ولا برّه .. ولا حبّه


ماهوب من قل شرّي مير من طيبي
الكلب لا عضني !! ماعضّه .. أكبّه!!


واللي على طيحتي يشذب عراقيبي
وشلّه وخبت النشايب .. ليه ينشب به؟؟


..

للحديث بقيّة ..

التوقيع: ..


منافي ..
كلها اوطاني
منافي
محمد الدحيمي غير متواجد حالياً   اضافة رد مع اقتباس