[عثمان العبدالله]

[poet font="Simplified Arabic,5,black,bold,normal" bkcolor="transparent" bkimage="backgrounds/16.gif" border="outset,4,seagreen" type=2 line=200% align=center use=sp length=0 char="" num="0,black" filter=""]
تكلم ما تبي واعقل ، ترى بعض الحكي محسوب = وإذا ما تـازن الكلمة يجي لك ردها الوافي
مثل ما صار في القمّة وشفنا الـريّس المطبوب = يلخبط بالحكي ، ياعيب ، معمر ولد قذافي
(ترى معروف من جابك وكللش واضح(ن) مكتوب = تعقّـل فالكذب خلفك وامامك قبر) ولفافي
كـلام الفـارس العـاقل ، إذا منّه حضر مهيوب = دروسه تردع الكاذب ، فثوب الكذب شفّافي
كـلامك يا أبو متعب به الحكمة بها الإسـلوب = يصحّي ثعلبٍ لا ميت ، لا حي(ن) ولا غافي
بدا يحضرم ، بدا يلخبط ، يشوف الناس بالمقلوب = تمنى لو يلاقي باب ويهرب لو ركض حافي
الا يا جاهـلٍ فينـا تنبّه ، سيفنا مرهوب = بغاث الطير نعرفها وحصاني العرب يالهافي
إذا تلعب ، تعال العب على المكشوف يالمغلوب = فمهما كان تجـديفك نكسّر كل مجـدافي
مبادينا على اليمّه ولا نقبل حكي مكذوب = حـذاري لا تقربنا ونكشف سرّك الخافي
كذا القرآن يأمرنا ولا هو هرجك المجلوب = كتاب اخضر ، كلام أزعر ، وكله جهل واسفافي
تبي تفهم ، تبي تدري ، تعذر ارتكبت ذنوب = وحنا نسامح المخطي ، إذا كان العذر شافي

[/poet]