[poet font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
علقت همي على جداره صور واسترحت = وعلقني الوقت روح ن ضاق فيها الجسم
وانتي تقولين وشبك يا محمد سرحت = واقول ...ما احس لي بين الخلايق أسم
جيتك عدد بنجمع في داخلك وانطرحت = ولا عاد به رقم يقبل قسمتي وانقسم
انا سكوتي .. قصيدي.. دامني لا شرحت = سقوني الناس من كاس الملامات سم
اذكر وانا صغير من كلمة ملام انجرحت =والحين ياطى على وجهي العتب وابتسم
[/poet]
وهذا البــوح ..
[poet font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
غنت ( زمان الصمت ) هامت .. تقاوت = غنيت ( بنت النور ) للي ( على البال )
كانت تقول : اصابعك لو تساوت = والله فلا يسوى معك كل من قال
واليوم قالت : هالغرام يتفاوت = والشعر هرج ان قصر الهرج وان طال
قلت ارمي آخر كلمةٍ ما تخاوت = مع طبعي اللي ما تغير به الحال
ياصعبها ( آسف ) بس فجأة تهاوت = من راس رجمٍ يسكنه قلب رجال
[/poet]
ومـن الغيــاب ما يُنطق الشعر ..
[poet font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
في غيابه .. لا يظن الحب .. جمر المله = شف عروقي .. ما تضخ الشعر .. يم اطرافي
حاصرتني غيبته .. بالثلج .. ياخي قلّه = كيف اعيش .. بعين جمّدها .. وقلبٍ دافي
قال احبك .. ( قبل مدة ) .. قلت له : قل والله = قال : والله .... قلت : ياشعري ويا مجدافي
[/poet]
وهنــا طــفـلة الغيــم قصيــده ليست مطراً عادياً
بل امطار غزيره أغرقتــنــا بلا هواده!!!
[poet font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
صََحت من نومها .. والصبـح تـوّه فتّـح عيونـه
حزينه .. جعله بروحي ... ياذاك الخاطر المكسـور
رمت بلحافهـا .. مـن ضيقـةٍ بالصـدر مكنونـة
بصمتٍ كنها ترمـي علـى قبـر المنـام زهـور !!
قبل تجمع مساها مـن ورى العاتـق ومـن دونـه
وحتـى قبـل لاتفتـح ستايـر غرفـةٍ مـن نـور
تهـادت والـدرج لا ميّلـت ميّـل لـهـا متـونـه
بخطواتٍ مثـل مشـي السحابـة فـي بـلادٍ بـور
تذكّـر ليلـة البـارح وحلـمٍ ضـاقـت ركـونـه
وخلٍ كـل ماتجبـر خطـاه .. يكسّـر المجبـور !!
خذت يمكن .. ثلاث .. اربع .. دقايق تذكـر جنونـه
وسالت دمعةٍ مثـل النـدى مـن نرجـسٍ ممطـور
ومـر الـدرب تحـت اقدامهـا بإحسـاس وليونـه
ونادت لأمها كن المـدى صحـراء وسبـع بحـور
تقـول بنبـرةٍ فيهـا الدلـع والـحـزن مقـرونـه
بعد ماتمتمت في حضنها ( يمّه ابي عصفوووور !! )
عشاني ليلة البارح .. عبـث ... غنيـت (أمونـه )
وهي متشوقة ... تبغاني اغني ... ( يابنت النور ) !!
وانا اتشيطن عليها شيطنـة فـي الحـب مسنونـه
اموت ف صوتها لا جـا بنبـرات العتـاب يمـور !!
صغيـرة بـس ( لبـى قلبهـا ) وشلـون مزيونـه
ياطفلة غيم لو للشمس في ( شرق الملاذ ) قصور !!
سرت مني تقول من الزعل ( عـن جـد ممنونـه )
وانـا والله سريـت وخاطـري بعتابهـا مـسـرور
ونامت .. ثم قامت .. والفـرح .. مافتـح عيونـه
حزينه ... ماطلع صوته يشابه صوتي العصفـور !!
[/poet]
أجمــل تعليــق كتبــه الشاعر محمد البريكي .. للشاعر محمد علي العمري .. ..
لنــا متــعة القــراءه ولـك الشــــــعر ..
أطـــيــب تحـــيــه ..