[الهوى شرقي]

[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
لا واهني اللي رصيـده ملايين = وامضـاه في راس القلم يقبلونه
وبواخــره تمشي بكل البلادين = ومصـادره من كل شكل نمونه
وعنده عيال صالحين ورشيدين = لا غــاب والدهم هم يمثلونه
وثلاث جارتٍ بناتٍ مزايين = غيدٍ موفرٍ كل مايشتهونه
بيته يعانق شاهقات الضلاعين = تلقى الحمام مبيض في ركونه
وديوانه أكبر ما بنى بالدواوين = مفتوح واجـواد العرب يدهلونه
فيه الخدم متكـاملين ومطيعين = من جاء لهالديوان بيباشرونـه
ولا صار بالريضان مثل البساتين = ما طاب من ريضانهـا ينزلونه
تلقى الخزاما والنفل و الرياحين = تطرب له الورقا وتزعج فنونه
مع لابة تنطح وجيه الشياطيـن = عزٍ لهم وهم يتفــادون دونه
لا خطب بنت مـا هلها معيين = النــاس كلهم ودهم يناسبونه
هذي الحياة اللي لها الناس شفقين = من غر منهــا يا حياة المهونه
أشوى من اللي ياخذ الدين بالدين = وطلابته راس الشهر يبلشونـه
ومع الفقر عنده ابزور ونساوين = يبون حـــاجتهم ولا يعذرونه
يقضي معاشه ما مضى الشهر يومين = الفقــر شيب به وشيب عيونــه
عايش ولكن عيشة الفقر مسكين = كنه مصخن وهو ما به اصخونه
يــا الله يا قابل صلاة المصلين = انك تقوم بعونـنـا ثم عونـه

[/poet]

الشاعر سليمان الهويدي ..رحمة الله

والله يرزقنا الصحة والعافيه..والأوراق الزرق..