[ثاني العنزي]

ان تركتك هم، وان جيتك مصيبه
شـوكـةٍ بالحلق .. ومطـول بـلاهـا

وهينه فرقاك.. لو كـانت صعيـبه
البلا
فرقااااك
وش جرت وراها !

وبعد جرحك مابقت حاجه غريبه
مستحيلات الزمن عندي ..لغاها
ولا يغرك .. من تـقفاني .. بغيبه
اجرها جاني .. وعند الله جزاها
شفني بعينه اليامن جيت .. هيبه
ما يكمل .. سالفتة.. اللي بداها
ولاتحسب الصمت من دافع غليـبه
نوب يـمنـعني عن الكلـمه .. رداها
اسألك بالله .. جرحي وش تبي به
دام مامن غلطةٍ .. قلبي جناهاا
اقتفيت الجرح .. وبحشمه وطيبه
والردي.. لا فارق العشره هجاها
ومن يبي يلحق هوا نفسه .. تعيبه
والعلـوم الطـيبه .. يـبعـد صداها
ومارحل به من خفوقي طول غيبه
كل ماطال الجـفاء.. يكثر غلاها
غاصب نفسي على الفرقا غصيبه
يوم باعت عزتي .. قلبي شراها
المحبه .. طالما .. صرتي حبيبه
يـاتـجيني كـلها .. والا .. بـلاهاا
الحصان .. يثيره مخـاشر نـصيـبه
قسمة ٍ مرت على الثور، ورضاها