[c]
بسم الله الرحمن الرحيم
والصلاة والسلام على اشرف الانبياء والمرسلين
ثلاث قصائد طلبها الاخوان مني
وها انا اقوم بطرحها علها تنال جزء بسيط من استحسانكم
سبيع والدواسر والهواجر 
جمعت ثلاثة في ثلاثة
ففاقت حسن النساء بثلاثة
وإن من تحسدها أمها لجمالها
لأحق بأن تقر الشاعرية القعساء بجمالها
[/c]
[poet font="Simplified Arabic,4,white,bold,normal" bkcolor="black" bkimage="" border="outset,4,gray" type=2 line=200% align=center use=ex length=0 char="" num="0,black" filter=""]
بسم الله نبدأ
,,
,,
سلّمي يا روح ما من حبّ حلوات البناجر=غير قطعة خام غيرك ياليتيمة ما وجدها
آه ما أكبرها فضيحة عجزت أطراف الخناجر=لا تموّتني ومتّ بنظرةٍ واهيٍ جهَدْها
العيون اللي تسوّي في القلوب سْوات فاجر=يحلفون أن الدواهي هي وأنا أقول إنها أدهى
من سحايه لا جلست قْبال ساجيْة المحاجر=ما دريت أنا صغير اخوانها والا ولدها؟!
الهنوف اللي تلملم غيّها في ثوب هاجر=وين روحي في هواها يا عرب ربي قرَدْها؟
يوم أجيها ضلوع سرجوفي من الغيرة تشاجر=كلّ ضلعٍ ما يبي شوف الهنوف الا وحَدْها
اتعب رْضاها سبيعٍ والدواسر والهواجر=الولد منهم ولدها والبلد كله بلَدْها
لا مِشَت من عذرها الأرواح تاقف في الحناجر=كنّ عود الخيزرانة يقطعونه من جِسَدْها
وان عدَت يدجر بروحي من عبير الطيب داجر=كنّ دهن المسك لا عَرْقَتْ يِقَطّر من نهدها
لو تشوف البيض من حسنٍ على (هاجر) تناجر=مْعَذوراتْ ,أُمّها وهْي أقرب الناس تْحَسِدْها
شيب عيني كان أنا ماني على صبري مواجر=ويل ويلي والله اللي رحت يا خالد بيَدْها
والله اللي قام يسجرني من الخفرات ساجر=ويش عذري في عيونٍ من عمل يدْها رمَدها
هاجرٍ عن ما سواها حاجرٍ للعين حاجر=عيشتي والله ما تسوى ربع قرشٍ بعَدْها
ما حسَدْته نزلته قصرٍ من الياقوت تاجر=لا نزلت الفيضة اللي نقّضت فيها جعَدْها
ولّ يا بنتٍ على الطرْيا تجرّ اقصى الحشا جرّ=فتنة المفتون فيها من مهَدْها اليا لحَدْها
[/poet]
[c]
شفته ورايه واحسبه قدّامي 
[/c]
[c]
جل الخالق المصور
رأيت نور خدها أمامي وهي كانت خلفي
فلما التفت وجدتها تميزت بإثنين واثنين واثنين واثنين
أي ثمانية على ما اعتقد ولكم تفسير ما اقول
وما هي الثمانية [/c]
[poet font="Simplified Arabic,4,white,bold,normal" bkcolor="black" bkimage="" border="outset,4,gray" type=2 line=200% align=center use=ex length=0 char="" num="0,black" filter=""]
بسم الله نبدأ
,,
,,
يا حال ما احدٍ في الغريب يْحامي=والله لإبن عمّه ولا بنْ خاله
تعبت وآنا بس ّ اعضّ ابهامي=على الذي حطّ الخفوق سْبالة
ريمٍ يمدّ الميم قبل اللامي=خلّ البنات لْحال وهْو لْحاله
شفته ورايه واحسبه قدّامي!!=وصارت يمين اللي وراه شْماله
من شاف نوره ينعمي يا سامي=من وين له عند الرحيل دْلالة؟
امرار اقول الله يجيبه دامي=وامرار اقول الله يطيّب فاله
من صادفه يسحب جديد الخامي=معقول ما شاف الربيع قْباله!!
حسنه لو يْمرّ الدريك الظامي=ما عاد ظنّي يطري الما بباله
ولو مرّ أصمٍّ أخرسٍ متعامي=ما فيه بيت من الشعر ما قاله
ليته وقف لي وقفة الأكرامي=اشوى لنا يا صاحبي واشوى له
لا والله الا صابني بعْظامي=وانا احسب انّي شاربٍ فنجاله
اقفى وهو للعرق الابهر رامي=يا ويل حيٍّ بالعيون اغتاله
حيٍّ رماه الرمش بالسلهامي=ما هقوتي عظم القدم يشتاله
لو هو مثل نَسْج الحرير الشامي=له هيبة اللي جمرته شعّالة
وخدٍّ تعدّى الدار دار اليامي=لاحت على نجدٍ بروق خْياله
زلّت وانا اللي ما تزلّ اقدامي=يوم أنّ كفّ الريح ترفع شاله
ثْنين(1) تغضي اغضاية الخِدّامي=وثْنين(2) تاقف وقفة الخيّالة
وثْنين تلعن خامس الهندامي=وثْنين(3) تفضح في الظلام هْلاله
ووسْطٍ يلاعب ريشة الرسّامي=ربّ العصا يأمر وحنّا عْياله
وردفٍ يشرشح بالعباية زامي=ادخل على الله كيف وسْطه شاله
ما يقطع الراكب بخمس ايّامي=بين الجدايل تقطعه في ليلة
شفته وشفت الموت خمس آسامي=عنق ونحر بطن وظهر وكْمالة
فكان انْ جدايه سكبتي مرزامي=لأبو جداً جبته لأبوها حالة
ياللي تبيني عقب هذا آنامي=يا وين انا واللال لالا لاله
ما دام هو نَيْم البخَت ما قامي=جاء النوم والا راح مالي وْ ماله
[/poet]
[c]
الحقنة[/c]
[c]
اكتملت المعادلة الصعبة
ولكننا وجدنا أن هناك واحد لم يكن بالصورة الصحيحة في المسألة
فرجعنا من جديد فكان الواحد هذا في كل رجوع لنا مثل الحقنة
[/c]
[poet font="Simplified Arabic,4,white,bold,normal" bkcolor="black" bkimage="" border="outset,4,gray" type=2 line=200% align=center use=ex length=0 char="" num="0,black" filter=""]
بسم الله نبدأ
,,
,,
لا والله ألا وقف دون الغضي حقنة=يا حقنة افلح ترى ما أنته بعايقني
طلاق مني ثلاث يا ولد بقنة=لآطا على صابرك لما تفارقني
الزين لي حالفٍ لأقطع به الدقنة=قدّام وأن كنت ولد آبوك فألحقني
واصاحبي منه بعض الناس محتقنة=لا شافهم قال :آبقهرهم وعانقني
يازين زينه ويا طيبه ويا زقنه=وآنا بعد معْه يا طيبي ويا زقني
عذب البها من قدَمْه اليا صْلِعةْ ذقنه=حالف لتلقون مثله لاآحَلِقْ ذقني
[/poet]