السلام عليكم ورحمة الله وبركاته
ومساكم الله بالخير كلن باسمه
اقل مانقوم به لشيخنا الداعية وفقه الله ونصره على كل قزم يحاول النيل من شخصه المحبوب ، او التقليل من شأنه او التشكيك في علمه ووطنيته
يا لساني هـذهـا وأنت العريـب
وأنـت رجال تشــاف أقوالـه
أرسل المـوجـة على نبرة خطيب
مـزعـجـه من جاهـل موالـه
للـبشر شــوف وللخلاق غيـب
وكـلـنا شــاهـد نـبيي قـاله
كـان شعري ما ركب هـبة أزيب
وأمطر الأقــزام سـم خـيالـه
فالشعر ما هوب لـ جـلاجل يطيب
وخـله لراعـي الغـزل يهـنا له
للـصحافـة عـندنا شـان عجيب
ضـد خـير النـاس مجمع عـاله
شفت بعض أركانها ضلع عـطيب
ياخـذ الصغـرى ويحـدث هـاله
في عـموده كل محمـود يـغيـب
لـعـنـه الله تـلحـقه وأشكالـه
من ظهر فيها وسـكـينه تصـيب
فـي لحـوم الناس رزق عــياله
خـزيت أقزام الجـرايد ما تجيـب
وخزيت أعمدة الجهـل ورجـالـه
جعل من حط الجرايد سـوق ريب
يـوقـعـه ربـي بـشر أعـماله
يطحن صدر و يملا الراس شـيب
مـن عـقـول بالـفـتـن شغالة
والله انـه كبر عـيب وشق جـيب
أنـهم مـع عـلمـهـم جـهـالة
يحسبون أعلى البشر مـرج خصيب
ومـن طـرى طاريه فـل أحماله
لكـن إنا وان علا صوت مريـب
بـاخـصين هـالزمـن وأحـواله
للعريفي من مـحبتـنا نـصـيب
وللـدعـاة الطـيبين أمـثـالـه
وبالعريفي ما يشكـكنا غــريب
وان تلــون وان تقـلـب حالـه
ويالعريفي وان أساءوا فأنـت طيب
منه طـبنـا طـيب الله فــالـه
والله انـه ما ينالك منه عــيـب
وأنـت لله داعـــي ورحـالـه
مجتمعنا من مـشايـخــته قريب
والـمحبــة ثـابـتة بـتـالـه
كل شيخ من مشـايخنا حبـيـب
لشوفــته قـبل القلوب تـوالـه
وكل شيخ مـن مشـايخنا مهـيب
دينه وعـلمـه رفـــع منزالـه
منهج واضح و من تبعـه مصيب
ومـن سعـى للحـق شـد حـباله
الحـقايـق مشرقة ما من مغـيب
وشـمـسنا ماردهــا غـربـاله
[youtube]