السلام عليكم ورحمة الله وبركاته
اهلا اخواني هذي القصيده الاخيره مجارة
لشاعر:تركي الميزاني
ياحرفي اللي ضاع مابيـن الدفاتـر والرفـوف=اللي رسمته من تنهَّاتـي ومـن حبـر قلمـي
ضحيت لجله في حروف وقمت لجله في حروف=وصبرت لو النار من فوقي ومن تحـت قدمـي
ياصاحبي اللي على شانك تحديـت الضـروف=اسمع كلامي زين وافهم وش اقوله مـن فمـي
ماهو بأنا اللي تتركه بين الخناجـر والسيـوف=وتمص دمه بين خلـق الله يامصـاص الدمـي
انا بدويٍ ماسكن في الوقت مسكـان الضعـوف=اتبع هوا بالـي واسيـر عنـد ذودي وغنمـي
طوفتها لك لجل خاطـر عيـن ولا ماتطـوف=ولا انت مهما زاد وزنك وزني يطرحك نسمـي
صمتي يدل اني وفي ومسويٍ فيـك امعـروف=وصبري يدل اني من زحول الصناديـد انتمـي
ياقوم ياللي تذبحـون الحيـل قـدرٍ للضيـوف=وش رايكم في اللي يعشيني من اوصال لحمـي
وقفت له يوم اجلسوا واجلستلـه نـاسٍ وقـوف=غير الذخيره والفشق في محزمه من محزمـي
وهذي مجارتي المتواضعة
ياشعري الي في الحنايا ماهوى لبس الشفـوف=متعود ٍ من حلو اكلـه يجتـرع مـن علقمـي
فزيتله وعشـت المأسـي بالمداحـم بالكتـوف=لونه ايـوردّ رجولـي فـي متاهـات الرمـي
يامرفقي ياصاحب يا من به اعيـون تشـوف=خليتني قاصر وانـا جاسـر وعيـن تنعمـي
ما نت الذي تجعل ديار في كسوف ٍ من خسوف=وتجعل حوالي من السان اليعربـي للأعجمـي
انا بدوي ٍ ما هواه الوقت في شيـن الصـدوف=متعلـي ٍ قمـة طويـق العالـيـه يالعيلـمـي
مشيتهـا وتهمّنـي لونّهـا ابتـحـرّ جــوف=ولّا بشانك لو علا ما طـال طـول لمرسمـي
كتمي يدل ني خوي عارف من ازيان العروف=وعلمي يـدل نـي كريـم نايـف ٍ يالمرتمـي
يا هل المكارم ياللي تشرون العوالي بالحتـوف=وش رايكم في اللي يولي ويترك دمايـه حمـي
عكفت له يوم اتركوا و اتركتله ناس ٍ عكـوف=غير الحمايه والوصايه والقمـه مـن ملقمـي
وسلامتكم