[فوزي المطرفي]

احبة الشعر :

رغم يقيني ان الحروف لا تستطيع ان تصف ما اريد وصفه الاّ ان هذه المحاوله اقل هديه استطيع ان اقدمها الى وجهها الطاهر ..

امي .... والشعر من بعدك !!




[poet font="Simplified Arabic,4,white,normal,normal" bkcolor="transparent" bkimage="backgrounds/20.gif" border="none,4,gray" type=0 line=200% align=center use=ex length=0 char="" num="0,black" filter=""]
يامساء الزعفران وما حواه = يابياض الحرف فالنص الاجد
شمعدانك لو بغيت اكتب ضياه = مالقيت من الحروف اية مدد
حبتك في الله سجادة صلاه = تصعد بأطهر جبينك لا سجد
ان لفيت بهم شفته فالحياه = عوذتـني بالفلق والله احد
ذكر ربي دايم ٍ بين الشفاه = كنّه الا الدم في مجرى الجسد
امتلكتي عطر لو وزع شذاه = عاشت زهور الحدايق في كبد
السهر / الطيش / تأديب العصاه = خلت الرجال يكبر فالولد
وعشبك اللي دايم ٍ عالي سماه = اجبر الغيمه تهلل بالبرد
الشعر امي في سدرة منتهاه = وش بعدها علموني وش بعد ؟؟
آآه يامشرق حياتي آآه آآه = غربتي عنك اجاهدها جهد
طفلك اللي تخبرينه في صباه = صار يكتب للعصافير الوعد
صار ينشد اغنياته لاصدقاه = والزمن يعزف على سلم سهد
صار يمشي عالق الهم فرداه = والليالي كنها حبل ٍ مسد
يا امل في طاعته حلم النجاه = دعوتك للطفل باب ٍ للسعد
اطلب اللي صبّر ايوب فبلاه = يحفظك من شر حاسد لا حسد
[/poet]: :