الشاعر الكبير .. ناصر الفراعنه ..
جعل يسقي دار غضّ العود صيّب
ياغريّب صاحـبٍ يذبـج جمالـه
صاحبٍ زينه لابن يومـه يشيّـب
خلّ عاد اللي عمر عشرين طالـه
ابو عينٍ يـا تعيّـب يـا تغيّـب
بنت عمّ الموت مدري بنت خالـه
وابو خدٍّ صفحته صفحـة كتيّـب
كنّ زهر الورد نقشٍ فـي ريالـه
من يشمّه مات عمره ما تطيّـب
وش يبي في الشيح والعنبر حلاله
وابو عنقٍ عن حشا صدره تسيّب
يا حياة الشرّ يا عنـق الغزالـه
يوم شفتـه لا بعيـد ولا قريّـب
لعنبو جدّه تقِـل يمشـي لحالـه
ان وقف لا هو دقـاق ولا دبيّـب
وان مشى كنّه يطالع في ظلالـه
ولّ مشية ما مشاها الا الحبيّـب
كنْ يمينه ربّطوها فـي شمالـه
صاحبي لا قلت شـيٍّ قال:طيّـب
اطوع القلبٍ يحبّـه مـن خيالـه
صور شعريه ولا أروع تعبّر عن أصالة الشعر والشاعر !!
جزاله و أبدااااااااااااع في الوصف وقوه في المعاني ..
عبارات المعاجم لاتستطيع إيفاء النص حقه !!!
صح لسااااااااانك مليون ..
دمت رمزاً من رموز الشعر ..
احترامي وأعجابي الشديد ..
اخر تعديل كان بواسطة » الجازي في يوم » 01-09-2003 عند الساعة » 07:13.
|