اقروا أوصاف البنت اللي تحبها قلوبكم.....
السلام عليكم
شلونكم بخير
عسى
هاكم الأوصاف و أرجو ان تعجبكم
خويت درب عمري ماخذانـي دونهـا النسيـان /// وأنا ياهل الملامـه مارغبـت العيـش وحدانـي
ابيها مهرة ماعسفـت صغيـره وبنـت حصـان /// أبوهـا اللـي يفـك المشكلـه ويزبـن الجانـي
أبوها لاتعـزوى باسمهـا فـزوا لـه العربـان /// يحق الها الفخر فـي قولـة آل فـلان جدانـي
ابيهـا فـي بحـر عشريـن لازود ولا نقصـان /// أبيها اقصر طويله والوصوف اشكال و الوانـي
أبي الجبهه كما الصبح وكما القوس أسود الحجان /// وابيهـا ناعسـات ونرجسيـه سـود الأعيانـي
ابي رمش كما ريش يغطي الثلج فـي الأوجـان /// وابي جفن يشيـل الرمـش طربـان و كسلانـي
وابي خد مثل ورد تنمـى فـي طـرف بستـان /// وابي خشم صغير ومثل حـد السيـف شامانـي
ابي البسمه كما البرق وثناياهـا كمـا المرجـان /// وشفاهـا جمرتيـن وفمهـا خـاتـم سليمـانـي
ابي شعر كما ذيـل الفـرس لا كبـت الميـدان /// او الشـلال لامـن بـات ليلـه بيـن الامتانـي
ابي جيـد سـواة ابريـق فضـه ناتـق مليـان /// وصـدر كنـه مرايـه عليهـا طلـع رمـانـي
ابي ظهر كما الجدول وقدمن مثل غصـن البـان /// وخصر مثل مجـدول العنـان وجسـم رويانـي
ابيهـا نابيـة ردف وبطـن ضامـر جـوعـان /// ابيهـا مدمجـة سـاق وقدمهـا لسـان ثعبانـي
ابيها بنـت عـز مـن رغدهـا ينعـم الفستـان /// ابي الرقه وابـي الدقـه لهـا باطرافهـا شانـي
ابي المشيه كما اللي طالع من المعركـه كسبـان /// وابيها تـرش مـع خطواتهـا مسـك وريحانـي
ابي صوت إلى مني سمعتـه كـن فيـه الحـان /// يدغدغ مسمعي ويثير كل السحر فـ.. اشجانـي
ابيها حب واخلاص وهواجيس وفـرح واحـزان /// ابيهـا مثـل دكتـور اهالـي العشـق وصانـي
ابيهـا لوحـة ماصورتـهـا ريـشـة الفـنـان /// ابيهـا جوهـرة ماجابهـا قـاصـي ولادانــي
ابيها تنتصر لـي مـن زمـان حطنـي نيشـان /// وتبشـر بالغـلا اللـي مالفابـه واحـد ثـانـي
مهرها قلب وشعـر يهـز القلـب و الوجـدان /// والبسهـا القصيـد وتصيـح اوزانـي وقيفانـي
ابي اللي فات واللي فات صعب ومن لقى العنوان /// يرد العلم وإلا افضـل ابقـى اعيـش وحداني
وسلااااااااامتكم
وهي أغنيه للفنان القدير: خالد عبدالرحمن
واعتقد شاعرها هو ناصر القحطاني
وتقبلوا
خالص
سلاااااااااامي
|