كثيره هي جروح القلب .. لا تحتسّ من ذنبي
............ تجمـّل دامي اغلى من عرفت .. بسيرة ذنوبك
عظيم الوجد : لو يخفى عليك شلون جنـّن بي
............ تبصـّر بين " نهتات الكلام " و " عاتي هبوبك "
رسمتك بين جفنين المساء ترويحة ٍ تنبي
............ بشي ٍ يفهق دروب .. حرمـتني : شوفة دروبك
وإذا ودّك تشوف بجد عيونك وش يسوّن بي
............ أبد خل الهدب يسرح دقيقه .. وأنـس محبوبك
حبيبي والجروح اللّي إلى حوّلت يرقن بي
............ حشى ما ينثني عزمي .. ولو فتـّقت عذروبك
تعرف إنّي إلى من طحت تايه واوجعت جنبي
............. هموم الوقت .. ابتغيـّب .. عن الدنيا ورى ثوبك
ترى واللّي خلق زينك وخلّى الشوق يسكن بي
............. كثر ما قلت احبّك موووت بدى يتعبني اسلوبك
مدامك قلت : انا قبرك .. عساك اليوم تدفن بي
............ وتشوف شكثر انا ضحّيت لين اقصتني ذنوبك ..!!
ص . ع