.
.
.
.
.
ودّع الحزن ، لاتشغلك كثر الهموم
...... منت بـ آوّل من طعون القرايب حظي
لاتضايق ترى مافيه شيئاً يدوم
...... ولاتقول ..الليالي .. شيّبت عارضي !
شوفني كل ماطحت بمصيبه أقوم
...... ماشكيت الزمن عمر الزمن مارضي
فز .. وابشر بعزّك لاتطول العلوم
...... دام يمناك : أخوك (محمّد العارضي)
الله يسامحك آخر مانطقه اللسان
.................... ياحلمي اللي قضيت العمر وانا ارقبه
هذي محطاتنا / تجمع جروح الزمان
.................... وهذي سنين الغرام المعشبه ( مجدبه )
ايه انتهينا / ولاباقي زمان , ومكان
.................... الا وذكراك تآخذ منه , ( عمر وشبه )
هنا / كتبنا تفاصيل السهر / والحنان
.................... هنا نسينا النصيب ولوعته وسببه !
هنا بنينا من احلام المحبه ( كيان )
.................... هنا شربنا من افواه ( الكلام ) اعذبه
هنا لقينا ( طفل بيدين طفله ) وكان :
.................... يبكي على كتفها لن الزمان .. اتعبه
حكاية العاشق اللي ذاق مُر الهوان
.................... يلعن حنين السنين ويلعن التجربه !
كل شي ماعاد يسوى بعيني عشان
.................... اقدر ارد اعتبار .. ايامي المرعبه
مع خالص الحزن ياجرحي لك الامتنان
.................... رميتني في طريق العالم المذنبه
بمسح عيوني لو ان الدمع ماله امان
.................... بكره تزين الليالي والحزن اشطبه
خلاص ماعاد يمدي والبقى للزمان
.................... مافيه داعي اقول ( فراقنا) واكتبه !
,؛