الموضوع: طفلة ..!
مشاهدة مشاركة بصفحة مستقلة
قديم 11-04-2018, 16:34   #1
علي التركي
أبو تركي / شاعـر
 

004 طفلة ..!

شعبيات القلب والوجدان والشعر
الجديد هنا لأنها وطني


طفلة تسوق الولع / تلعب دلال وطرب
احدٍ يطول العنب واحدٍ حشا مايطول !!

بالصيف تهدي جريد النخل حلو الرطب
بالبرد تروي سنابل قمح صدر الخجول !!

كفوفها ما تزينها / بنقش ... وذهب
تزيّنت بالعطا .. شيخة تقول وتنول

تجملت بالآدب / وتزيد حكمة وآدب
ويزيدني حبها لشعر شعر وفضول .!

‎تكبر يزيد الحلا / تصغر يزيد الشغب .!
تضحك يضج الفضا / تثقل يزيد القبول

تزعل تقادح لهب / ترضى يطيح الحطب
تحكي يزين السهر / تسكت يعم الذهول

تحمل مزايا بنات الجيل مزح وعتب
تجمع بصدري تناقض سمح بال وملول .!

لقيتها في دروب الغي صدفة عرب
والموعد اليعربي يبطي ودربه يطول

‎دفنتها في صدور الشعر عشق وطرب
عزفتها لحن يرويها بكل الفصول .!

توعد شفاتي بوقت الجوع حلو العنب
واجوع واشبع من الميعاد وارجع واقول:

طفلة تسوق الولع / تلعب وربي كتب
احدٍ يطول العنب واحدٍ تعب مايطول !!



لكل من مر من هنا

التوقيع: أَثَر بعض السحايب رَيّ .!!
علي التركي غير متواجد حالياً   اضافة رد مع اقتباس