رد : دعوة لتـدوين المشاعر .. ورسم الحروف ..
بقايا إنسان
جمع تحت المطر ظلّه وصار أوطان
تلحّف غيمة الذكرى
بدا يقرا
سأل في آخر الشارع عن العنوان ...!
هناك افــ أول أحلامك
ينام الوقت قدامك
ويكره صمتك النسيان ..!
بقايا انسان
سفينة غرقت البارح
بحر مالح
وصرخة من صدى الأزمان
بقي نورس يردّدها
وطفلة .. تنتظر شمس البحر تغرق تساعدها
بقي ظلّي
غدا كلّي
وانا دام القدر عندي بقايا انسان ..!
يكفّيني أسولف قدّما أقدر عن اللي كان
وياما كان
طفل يكبر
وهو مايدري انه كل ما يكبر يبي يصغر
يبي ينثر على الجدران
حكايا أشجان
مدام الوقت كل الوقت بقايا انسان ...!!
اخر تعديل كان بواسطة » إبراهيم الوافي في يوم » 03-01-2006 عند الساعة » 12:22.
|